മന്ത്രാക്ഷരം- (കവിത: പ്രൊഫ. ജോയ് ടി. കുഞ്ഞാപ്പു)

മുഖപേശിയിലെ
ആളൊഴിഞ്ഞ മുക്കില്‍-
ഫേസ്ബുക്കിലെ
ബ്ലേക്ക് കോളത്തില്‍-

പ്രബോധനം ഇതാവിത്:
“ഇപ്പോള്‍ നിങ്ങളുടെ
മനസ്സിലെന്താണ്?”

പൂജാമുറിയിലെ
പാര്‍ശ്വത്തില്‍
"ഓം"  എന്ന്
ത്രിസ്ഥായിയില്‍
ഒരുവിടും ധ്വനി-
ഉള്ളില്‍
മിന്നിമറയും
സങ്കേതങ്ങളുടെ
സങ്കീര്‍ണ്ണ
സങ്കലനപ്പെരുക്കം:
ഭൗതികശാസ്ത്ര-
"ഓംസ്" നിയമം.

യാന്ത്രികവിരല്‍
കീബോര്‍ഡില്‍
തന്ത്രംമെനയും-
അക്ഷരമാലാന്ത്യത്തില്‍
അവസാനവാക്കി-
ന്‌റാരംഭമായ്
ഏകകധ്വനിയില്‍
“ഒമേഗ”** യിലൊളിക്കും
“ദ ഗ്രീക്ക് ഓം!”
********************************

***OMEGA

ഓം‌ഏക ഉരുവിട്ട്
നാനാത്വത്തിൽ ഏകത്വം ദർശിച്ച്
അതിൻ നിർവൃതിയിലൊരു
‘ഡബിൾ ഒമേഗാ‘യടിച്ച്
ഓർമ്മകൾ മായാതിരിക്കാൻ
ഒമേഗ ത്രീ സ്നേഹാമ്ലവും വിഴുങ്ങി
വിദ്യുശ്ചക്തി നിയന്ത്രിണിയുടെ ഒമേഗയെ
പൂജ്യത്തിൽ നിന്നും അനന്തതയലേക്കു വിട്ട്
സുഖസുഷുപ്തിയിലേക്ക് 
വഴുതി വഴുതി വീഴുക.