Image

ഈ കണ്ണീര്‍ മഴയത്ത്........ കൊല്ലം തെല്‍മ, ടെക്‌സാസ്

കൊല്ലം തെല്‍മ, ടെക്‌സാസ് Published on 11 January, 2014
 ഈ കണ്ണീര്‍ മഴയത്ത്........ കൊല്ലം തെല്‍മ, ടെക്‌സാസ്
കരിം കൂവള കാടുകള്‍ ഉലയും കണ്ണുകളും, പാദസരത്തിന്‍ കിലുക്കവും,
നേര്‍ത്ത കാലടി തന്‍ ശബ്ദവും, ശുദ്ധിയില്‍ തപം ചെയ്യും മനസുമായ്-
ഭൗമ തീര്‍ത്ഥങ്ങള്‍ താണ്ടി, യാത്ര പോലും മൊഴിയാതെ കടന്നു
പോകുമെന്‍ പാവം ഈ അപ്പനോര്‍ത്തില്ല…
സര്‍ഗവേദി തന്‍ പടവുകള്‍ കയറവേ, എന്‍ കണ്ടനാളത്തിലാരോ ഉരുളന്‍ കല്ലു-
തിരുകിയതുപോലെ ഗദ്ഗദം..
നിന്‍ പാദസരത്തിന്‍ തന്‍ കിലുക്കവും, കിലുക്കാം ചെപ്പില്‍ നിന്നുതിരും നിന്‍
കൊഞ്ചലും എനിക്കന്യം നിന്നു പോയതാം കാരണം…
ഭൗമ തീര്‍ത്ഥങ്ങള്‍ താണ്ടി നീ കടന്നു പോകവേ, കദന കടലില്‍ താഴ്ന്നു
പോയി- പാവം ഈ അപ്പന്‍….
കദനം പേറും മനസും നനവൂറും കണ്ണുകളേ മറയ്ക്കും പുഞ്ചിരി
പര്‍ദയും അണിഞ്ഞു സര്‍ഗവേദിയിലും മറ്റു യോഗങ്ങളിലും വാ തോരാതെ ഞാന്‍
വാഗ്‌ദ്ധോരണിയില്‍ മുഴുകവേ, മാലോകര്‍ ധരിച്ചു-തെറ്റായി- ഞാനെന്‍ ഓമനപ്പുത്രിതന്‍ വിയോഗം, പൊടുംന്നനെ മറന്നുവെന്ന് മാലോകര്‍ക്കറിയില്ല പാവം ഈ അപ്പന്റെ തീരാത്ത വേദനകള്‍….
ഇല്ലോമനേ, ഒരു കടലോളം ദുഃഖം
ഇടനെഞ്ചിലൊളിപ്പിക്കവേ, നീയെന്‍ നെഞ്ചില്‍ ഭാരമുള്ളോ
രുരുളന്‍ കല്ലായ് മാറിടുന്നു… നിന്‍ വിയോഗദുഃഖം-
-അതു ഭാരമാണെനിക്ക്, ഒടുങ്ങാത്തകദന ഭാരം…
മറ്റുള്ളവര്‍ തന്‍ മുന്നില്‍ ഞാന്‍ പുഞ്ചിരിപ്പര്‍ദയണിയുമ്പോള്‍
ഓര്‍മ്മയില്‍ വരുന്നൊരു സിനിമാഗാനം,
“കണ്ണീര്‍ മഴയത്ത് ഞാനൊരു ചിരിയുടെ കുട നിവര്‍ത്തി…
കണ്ണീര്‍ മഴയത്ത് ഞാനൊരു ചിരിയുടെ കുട ചൂടി….
ഈ കണ്ണീര്‍ മഴയത്ത്…”

 ഈ കണ്ണീര്‍ മഴയത്ത്........ കൊല്ലം തെല്‍മ, ടെക്‌സാസ്
Join WhatsApp News
Bavachen Chacko 2014-01-11 13:17:10
Thelma; Very pleased with your high energy imagination and the boundless visuals of creativity which are hallmarks of your writing whether it be prose or poetry. Please keep us energized Thanks. Bavachen Chacko
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക