ഹൈദരാബാദ്‌: ഖനന കേസില്‍ മുന്‍ കര്‍ണാടക മന്ത്രി ജനാര്‍ദ്ദന റെഡ്ഡിയുടെ ജുഡീഷ്യല്‍ കസ്റ്റഡി അടുത്ത മാസം 14 വരെ നീട്ടി. വീഡിയോ കണ്‍ഫറന്‍സിംഗിലൂടെയാണ്‌ പ്രത്യേക സിബിഐ കോടതി നടപടികള്‍ പൂര്‍ത്തിയാക്കിയത്‌. ജനാര്‍ദ്ദന റെഡ്ഡിക്കൊപ്പം അറസ്റ്റിലായ ബന്ധു ബി.വി.ശ്രീനിലാസ റെഡ്ഡിയുടെ ജുഡീഷ്യല്‍ കസ്‌റ്റഡിയും 14 വരെ നീട്ടിയിട്ടുണ്‌ട്‌. ഇരുവരുടെയും ജാമ്യാപേക്ഷ കോടതി നേരത്തെ തള്ളിയിരുന്നു.