ന്യൂയോര്ക്ക്: ഫെഡറേഷന് ഓഫ് കേരള അസ്സോസിയേഷന്സ് ഇന് നോര്ത്ത് അമേരിക്ക
(ഫൊക്കാന)യുടെ ന്യൂയോര്ക്ക് റീജിയണല് കണ്വന്ഷന് ദിവസങ്ങള് മാത്രം ബാക്കി
നില്ക്കേ, ആതിഥേയരായ ന്യൂയോര്ക്ക് റീജിയണല് വൈസ് പ്രസിഡന്റ് വിന്സന്റ്
സിറിയക്കും സംഘവും ജാഗ്രതയോടെ അവസാനവട്ട മിനുക്കുപണികള്
നടത്തിക്കൊണ്ടിരിക്കുന്നു.
ഒക്ടോബര് 29-ന് ക്വീന്സിലെ ഗ്ലെന് ഓക്സ്
ഹൈസ്കൂള് ഓഡിറ്റോറിയത്തില് (74-20 കോമണ്വെല്ത്ത് ബൗളിവാഡ്, ബെല്റോസ്,
ന്യൂയോര്ക്ക് 11426) വിദേശകാര്യ സഹമന്ത്രി ഇ. അഹമ്മദ് ഉദ്ഘാടനകര്മ്മം
നിര്വ്വഹിക്കുന്ന ഈ മഹാസമ്മേളനത്തിലെ മുഖ്യാതിഥി കോണ്സുല് ജനറല് ശ്രീ പ്രഭു
ദയാല് ആണ്. ഫൊക്കാന ദേശീയ നേതാക്കളെക്കൂടാതെ, സാമൂഹ്യ-സാംസ്ക്കാരിക രംഗത്തെ
പ്രമുഖര് സമ്മേളനത്തില് അതിഥികളായി എത്തുന്നുണ്ട്.
വൈവിധ്യമാര്ന്ന
കലാപരിപാടികളും നൃത്തനൃത്യങ്ങളും കൊണ്ട് വിസ്മയം സൃഷ്ടിക്കുന്ന യുവജനോത്സവം ഏറെ
ആകര്ഷണീയമായിരിക്കുമെന്ന് വിന്സന്റ് സാക്ഷ്യപ്പെടുത്തുന്നു. കലാപ്രതിഭ,
കലാതിലകം മുതലായവരെ ഈ കണ്വന്ഷനില് വെച്ച് തെരഞ്ഞെടുക്കുന്നതായിരിക്കും. അനേക
വര്ഷങ്ങളായി ഫൊക്കാന സംഘടിപ്പിക്കുന്ന സ്പെല്ലിംഗ് ബീയുടെ ദേശീയ
ചാമ്പ്യന്ഷിപ്പ് മത്സരവും തദവസരത്തില് നടക്കുന്നതായിരിക്കും. വിവിധ റീജിയനുകള്
സംഘടിപ്പിച്ച മത്സ്രരത്തില് വിജയികളായെത്തുന്ന കുട്ടികളാണ് ചാമ്പ്യന്ഷിപ്പ്
മത്സ്രത്തില് പങ്കെടുക്കുന്നത്.
പ്രവേശനം സൗജന്യമായ ഈ
മഹാസമ്മേളനത്തിലേക്ക് എല്ലാവരേയും സ്നേഹപൂര്വ്വം ക്ഷണിച്ചുകൊള്ളുന്നു എന്ന്
വിന്സന്റ് സിറിയക് അറിയിച്ചു.2012 ജൂണ് 30 മുതല് ജൂലൈ 3 വരെ ഹൂസ്റ്റണില്
അരങ്ങേറുന്ന ദേശീയ കണ്വന്ഷന്റെ കിക്ക്ഓഫും ഈ സമ്മേളനത്തില് നടക്കുന്നതാണ്.