ന്യൂഡല്ഹി: അധോലോക നേതാവ് ദാവൂദ് ഇബ്രാഹിമിന്റെ അടുത്ത അനുയായി ഇഖ്ബാല്
മിര്ച്ചി എന്ന മേമന് ഇഖ്ബാല് മൊഹമ്മദ് ലണ്ടനില് പോലീസ് പിടിയിലായി.
ബ്രിട്ടനില് നിയമവിരുദ്ധ പ്രവര്ത്തനം നടത്തിയതിനാണ് അറസ്റ്റ്.
ഇന്ത്യയില് മയക്കുമരുന്ന് ഇടാപാടുമായി ബന്ധപ്പെട്ട് ഒട്ടേറെ കേസുകള്
ഇഖ്ബാല് മിര്ച്ചിക്കെതിരെയുണ്ട്. 1993 ലെ മുംബൈ സ്ഫോടന പരമ്പരക്കേസിലും
പങ്കുണ്ടെന്ന് ആരോപിക്കപ്പെടുന്ന ഇഖ്ബാലിനെതിരെ ഇന്റര്പോള് റെഡ്
കോര്ണര് നോട്ടീസ് പുറപ്പെടുവിച്ചിരുന്നു.
ഇഖ്ബാലിന്റെ അറസ്റ്റ് ഇന്റര്പോളും സ്ഥിരീകരിച്ചിട്ടുണ്ട്. ഇയാളെ ലണ്ടനില്
ചോദ്യം ചെയ്തുവരുകയാണ്. 1995 ല് മയക്കുമരുന്ന് കേസില് സ്കോട്ട്ലാന്ഡ്
യാര്ഡിന്റെ പിടിയിലായ ഇഖ്ബാലിനെ അന്ന് ഇന്ത്യയിലേക്ക് കൊണ്ടുവരാനുള്ള
ശ്രമങ്ങള് പരാജയപ്പെടുകയും വൈകാതെ അയാള് കേസുകളില് നിന്ന് ഒഴിവാകുകയും
ചെയ്തിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല