മുംബൈ: രാജ്യത്തെ ഗര്ഭഛിദ്ര നിരക്ക് ക്രമാതീതമായി ഉയരുന്നതായി റിപ്പോര്ട്ട്.
കഴിഞ്ഞ മൂന്നു വര്ഷത്തിനുള്ളില് മുംബൈ നഗരത്തില് മാത്രം 61 ശതമാനം ആയി
ഗര്ഭഛിദ്ര നിരക്ക് ഉയര്ന്നു.
2012-13വര്ഷത്തെ കണക്കനുസരിച്ച് മുംബൈ
നഗരത്തില് മാത്രം 27,256 അബോര്ഷനുകള് ആണ് നടന്നത്. എന്നാല്, 201011
വര്ഷത്തില് ഇത് 16,977 ആയിരുന്നു. സര്ക്കാര്സ്വകാര്യ ആശുപത്രികളില് നടത്തിയ
അബോര്ഷന്റെ കണക്കുകള് ആണ് ഇത്.
എന്നാല്, ലിംഗ നിര്ണയവുമായി
ബന്ധപ്പെട്ട് അല്ല ഈ അബോര്ഷനുകളെന്ന് പൊതുജനാരോഗ്യവകുപ്പ് മന്ത്രി സുരേഷ്
ഷെട്ടി പ്രതികരിച്ചു. ഔദ്യോഗിക ഭാഷ്യം ഇതാണെങ്കിലും അനധികൃതമായി ഗര്ഭസ്ഥ
ശിശുവിന്റെ ലിംഗ നിര്ണയം നടത്തി അത് പെണ്കുട്ടിയാണെന്ന് അറിയുന്നപക്ഷം 20
ആഴ്ചക്കുള്ളില് ഗര്ഭഛിദ്രം നടത്തുന്നത് ഏറിവരികയാണെന്ന് നിരീക്ഷകര്
ചൂണ്ടിക്കാട്ടുന്നു.