ലുസാക്ക: സാംബിയയുടെ പുതിയ പ്രസിഡന്റായി പാട്രിയോട്ടിക്‌ ഫ്രണ്ട്‌ നേതാവ്‌ മിഷേല്‍ സാത തെരഞ്ഞെടുക്കപ്പെട്ടു. തെരഞ്ഞെടുപ്പില്‍ 150 മണ്ഡലങ്ങളിലെ വോട്ടുകള്‍ എണ്ണിക്കഴിഞ്ഞപ്പോള്‍ സാതയ്‌ക്ക്‌ 43% വോട്ടുകള്‍ ലഭിച്ചു. നിലവിലുള്ള പ്രസിഡന്റ്‌ രൂപിയ ബാന്ദയ്‌ക്ക്‌ 36.1% വോട്ടുകള്‍ ലഭിച്ചു. ശേഷിക്കുന്ന എട്ടു സ്‌ഥാനാര്‍ഥികള്‍ ബാക്കി വോട്ടുകള്‍ പങ്കിട്ടു.

മിഷേല്‍ സത നാലാം പ്രവശ്യമാണ്‌ തിരഞ്ഞെടുപ്പില്‍ മത്സരിക്കുന്നത്‌. ആദ്യമായാണു ഇദ്ദേഹം വിജയിക്കുന്നത്‌. കഴിഞ്ഞ ഇരുപതു വര്‍ഷമായി രൂപിയ ബാന്ദയുടെ മള്‍ട്ടിപാര്‍ട്ടി ഡെമോക്രസി ആണു സാംബിയയില്‍ ഭരണം നടത്തിയിരുന്നത്‌.