പത്തനംതിട്ട: 67-ാമത് റാന്നി ഹിന്ദു മഹാസമ്മേളനം 17 മുതല് 24വരെ പമ്പാ
മണല്പ്പുറത്തെ ശ്രീധര്മശാസ്താ നഗറില് നടക്കുമെന്ന് ഭാരവാഹികള്
പത്രസമ്മേളനത്തില് അറിയിച്ചു.
രഥഘോഷയാത്ര 15നു രാവിലെ എട്ടിന് എരുമേലി
ശ്രീധര്മശാസ്താ ക്ഷേത്രത്തില് നിന്നും പ്രയാണം ആരംഭിക്കും. രാത്രി ഏഴിനു
സമ്മേളനനഗറിലെത്തും. 17ന് രാവിലെ 10.30ന് ഹിന്ദുധര്മപരിഷത്ത് പ്രസിഡന്റ്
പി.എന്.നീലകണ്ഠന് നമ്പൂതിരി പതാക ഉയര്ത്തും. വൈകുന്നേരം 4.30ന് തിരുവണ്ണാമല
ആദിനം ഇളയമഠാധിപതി സ്വാമി ശിവരാജ സമ്മേളനം ഉദ്ഘാടനം ചെയ്യും. നിയമസഭ സ്പീക്കര്
ജി.കാര്ത്തികേയന് അധ്യക്ഷത വഹിക്കും. തിരുവിതാംകൂര് ദേവസ്വം ബോര്ഡ് മെംബര്
എന്.സുഭാഷ് വാസു മുഖ്യാതിഥിയായിരിക്കും. കുമ്മനം രാജശേഖരന് മുഖ്യപ്രഭാഷണവും
സ്വാമി വേദാനന്ദസരസ്വതി അനുഗ്രഹപ്രഭാഷണവും നടത്തും.
22ന് ഉച്ചകഴിഞ്ഞ്
ആചാര്യാനുസ്മരണസമ്മേളനം മന്ത്രി എ.പി.അനില് കുമാറും 23നു വനിതാ സമ്മേളനം മന്ത്രി
വി.എസ്.ശിവകുമാറും ഉദ്ഘാടനം ചെയ്യും. 24ന് ഉച്ചകഴിഞ്ഞ് മൂന്നിനു സമാപനസമ്മേളനം
മുഖ്യമന്ത്രി ഉമ്മന് ചാണ്ടി ഉദ്ഘാടനം ചെയ്യും. രാജ്യസഭ ഉപാധ്യക്ഷന്
പ്രഫ.പി.ജെ.കുര്യന് അധ്യക്ഷത വഹിക്കും.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല