തിരുവനന്തപുരം: ഹൈടെക് മോഷ്ടാവ് ദേവീന്ദര് സിംഗിനെ (ബണ്ടി ചോര്) റിമാന്ഡില് വിടുന്നതിന് പോലീസ് തിരുവനന്തപുരം മജിസ്ട്രേറ്റ് കോടതിയില് സമര്പ്പിച്ച അപേക്ഷയില് ഗുരുതരമായ പിഴവ്. ബണ്ടി തിരുവനന്തപുരം മുട്ടടയിലെ വീട്ടില് മോഷണം നടത്തിയ 21-01-2013 എന്ന തീയതിയാണ് 21-01-2012 എന്ന് പോലീസ് നല്കിയ റിപ്പോര്ട്ടില് തെറ്റായി രേഖപ്പെടുത്തിയിരിക്കുന്നത്. റിപ്പോര്ട്ടിന്റെ മറ്റൊരു ഭാഗത്ത് 2011 ഡിസംബറില് ഡല്ഹിയില് പിടിയിലായ ബണ്ടി ഒന്പതു മാസം തടവുശിക്ഷ അനുഭവിച്ചുവെന്നും വ്യക്തമാക്കുന്നു. ഈ നിലയില് 2012 സെപ്തംബര് വരെ ജയിലിലായിരുന്ന ബണ്ടി ജനുവരി 21ന് മോഷണം നടത്തിയത് എങ്ങനെയെന്ന ചോദ്യമാണ് ഉയരുന്നത്.
റിപ്പോര്ട്ടില് സംഭവിച്ച പിഴവ് തിരുത്താന് പോലീസിന് മജിസ്ട്രേറ്റ് കോടതിയില് അപേക്ഷ സമര്പ്പിച്ചശേഷം പുതിയ റിപ്പോര്ട്ട് നല്കേണ്ടിവരും.