ടെക്സസ്: യു.എസിലെ ടെക്സാസിലും പരിസര പ്രദേശങ്ങളിലും കാട്ടുതീ പടരുന്നു. ഇവിടെ
നിന്നും 5000ത്തോളം പേര് വീടുകളുപേക്ഷിച്ച് പലായനം ചെയ്തതായാണ് റിപ്പോര്ട്ട്.
കാട്ടുതീ പടരുന്ന സാഹചര്യത്തില് ഇന്നലെ സംസ്ഥാനത്ത് സ്കൂളുകള്ക്ക് അവധി
നല്കി. വിമാനങ്ങളുപയോഗിച്ചും മറ്റും തീയണയ്ക്കാനുള്ള ശ്രമം
യുദ്ധകാലാടിസ്ഥാനത്തില് പുരോഗമിക്കുകയാണ്.
കഴിഞ്ഞ ഒരാഴ്ചയായി തുടരുന്ന
കാട്ടുതീയില് 1,00,000 ഏക്കര് വനം കത്തിനശിച്ചതായി ഗവര്ണര് റിക്ക് പെറി
അറിയിച്ചു. സംസ്ഥാനത്തെ 57 സ്ഥലങ്ങളിലാണു തീ പടര്ന്നുപിടിച്ചിട്ടുള്ളത്.
ഒരാഴ്ചയ്ക്കിടെ 1000 വീടുകള് കത്തിനശിച്ചതായും ഗവര്ണര് വ്യക്തമാക്കി.