കൊച്ചി: കെ.ആര്‍. മീരയുടെ ‘ഏകാന്തതയുടെ നൂറ് വര്‍ഷങ്ങള്‍’ ചെറുകഥ അതേപേരില്‍ സിനിമയാകുന്നു. കെ.ആര്‍. മീര തന്നെയാണ് തിരക്കഥ.
പോളിയോ ബാധിച്ച അതിസുന്ദരിയായ മുസ്ലിം യുവതിയുമായി സത്യനെന്ന വാടക കൊലയാളിയുടെ പ്രണയമാണ് സിനിമയുടെ പ്രമേയം. മാതൃഭൂമി ആഴ്ചപതിപ്പില്‍ പ്രസിദ്ധീകരിച്ച ‘ഏകാന്തതയുടെ നൂറ് വര്‍ഷങ്ങള്‍’ പ്രശംസപിടിച്ചുപറ്റിയിരുന്നു. നിരവധി ഭാഷകളിലേക്ക് വിവര്‍ത്തനം ചെയ്യുകയും ചെയ്തിരുന്നു.
മാറ്റങ്ങളൊന്നുമില്ലാതെ സിനിമയാക്കാന്‍ കഴിയുന്ന കഥയാണ് ഇതെന്ന് തോന്നിയതാണ് സിനിമയാക്കാന്‍ പ്രേരിപ്പിച്ചതെന്ന് സംവിധായകന്‍ സുധി അന്ന വാര്‍ത്താസമ്മേളനത്തില്‍ പറഞ്ഞു.