പൊതുവേദിയില്‍ കോണ്‍ഗ്രസിനെ പരോക്ഷമായി വിമര്‍ശിച്ച് അജിത് പവാര്‍
Published on 30 September, 2012
മുംബൈ: പൊതുവേദിയില്‍ കോണ്‍ഗ്രസിനെ പരോക്ഷമായി വിമര്‍ശിച്ച് അജിത് പവാര്‍. തനിക്കെതിരായ ആരോപണങ്ങള്‍ കല്‍ക്കരിപാട വിവാദത്തില്‍ നിന്ന് ശ്രദ്ധതിരിക്കാന്‍ ലക്ഷ്യമിട്ടാണെന്നായിരുന്നു പവാറിന്റെ വിമര്‍ശനം. കല്‍ക്കരി കൊണ്ട് തങ്ങളെ കരിതേയ്ക്കാനായിരുന്നു ശ്രമമെന്നും അജിത് പവാര്‍ ആരോപിച്ചു.
അഹമ്മദ് നഗര്‍ ജില്ലയിലെ അകോലെയില്‍ ഒരു പൊതുവേദിയില്‍ സംസാരിക്കുകയായിരുന്നു അജിത് പവാര്‍. എന്നാല്‍ കോണ്‍ഗ്രസിനെ അദ്ദേഹം പേരെടുത്ത് പരാമര്‍ശിച്ചില്ല. ജലസേചന വകുപ്പ് മന്ത്രിയായിരുന്നപ്പോഴുണ്ടായ അഴിമതിയുടെ പേരിലാണ് കഴിഞ്ഞ ദിവസം മഹാരാഷ്ട്ര ഉപമുഖ്യമന്ത്രിസ്ഥാനം എന്‍സിപി നേതാവായ അജിത് പവാര്‍ രാജിവെച്ചത്. ഇതിനുശേഷം അദ്ദേഹം പങ്കെടുത്ത ആദ്യ പൊതുപരിപാടിയായിരുന്നു ഇത്. എന്‍സിപിയെ കരിതേച്ചുകാണിക്കാനുള്ള ഗൂഢാലോചനയായിരുന്നു ഇതെന്നും എന്നാല്‍ ജനങ്ങള്‍ എന്‍സിപിക്ക് ഒപ്പമുള്ളതിനാല്‍ ഒന്നും ഭയക്കേണ്ടതില്ലെന്നും അജിത് പവാര്‍ പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala