തിരുവനന്തപുരം: കളളുവ്യവസായം നിര്‍ത്തണമെന്ന്‌ മുസ്ലീംലീഗ്‌ ആവശ്യപ്പെട്ടു. കളള്‌ വ്യവസായം നിര്‍ത്തേണ്ട സമയം അതിക്രമിച്ചു എന്നും കളള്‌ കച്ചവടത്തിന്റെ മറവില്‍ ചാരായവും വ്യാജമദ്യവും ഒഴുകുകയാണെന്നുമുളള ഹൈക്കോടതി നിരീക്ഷണം സ്വാഗതം ചെയ്യുന്നുവെന്നും പാര്‍ട്ടി നേതാവ്‌ ഇ.ടി.മുഹമ്മദ്‌ ബഷീര്‍ പറഞ്ഞു. സമ്പൂര്‍ണ മദ്യനിരോധനമാണ്‌ മുസ്ലീംലീഗ്‌ ആവശ്യപ്പെടുന്നത്‌ എന്നും മുഹമ്മദ്‌ ബഷീര്‍ കൂട്ടിച്ചേര്‍ത്തു.