ഗുവാന്‍ഷു: ഭക്ഷ്യവിഷബാധയെ തുടര്‍ന്ന് ചൈനയില്‍ 90 കുട്ടികളെ ആസ്പത്രിയില്‍ പ്രവേശിപ്പിച്ചു. ചൊവ്വാഴ്ച സ്‌കൂളില്‍ നിന്ന് ഉച്ചഭക്ഷണം കഴിച്ച കുട്ടികള്‍ക്കാണ് ഭക്ഷ്യവിഷബാധയേറ്റത്. ശാരീരിക അസ്വസ്ഥതകള്‍ പ്രകടിപ്പിച്ചതിനെ തുടര്‍ന്ന് കുട്ടികളെ വൈകീട്ടോടെ ആസ്പത്രിയില്‍ എത്തിക്കുകയായിരുന്നു. ഗുവാന്‍ഡോങ് പ്രവിശ്യയിലെ ഒരു സ്‌കൂളിലാണ് സംഭവം. സംഭവത്തെക്കുറിച്ച് അന്വേഷണം ആരംഭിച്ചതായി പ്രാദേശിക ഭരണകൂടം അറിയിച്ചു.