ഡെന്പാസര്: ഇന്തോനേഷ്യന് ദ്വീപുസമൂഹത്തിലെ ബാലിയില് ശക്തമായ ഭൂചലനം
അനുഭവപ്പെട്ടു. റിക്ടര് സ്കെയിലില് 6.4 തീവ്രത രേഖപ്പെടുത്തിയ
ഭൂചലനമാണുണ്ടായത്. പ്രാദേശികസമയം, പുലര്ച്ചെ 2.23ഓടെയാണ് ഭൂചലനം
അനുഭവപ്പെട്ടതെന്ന് യുഎസ് ജിയോളജിക്കല് സര്വേ അറിയിച്ചു. തലസ്ഥാന നഗരമായ
ഡെന്പാസറില് നിന്നു 278 കിലോമീറ്റര് അകലെ സമുദ്രത്തിനടിയില് എട്ടു
കിലോമീറ്റര് ആഴത്തിലാണ് ഭൂകമ്പത്തിന്റെ പ്രഭവകേന്ദ്രം. അതേസമയം, ആളപായമോ
നാശനഷ്ടങ്ങളോ റിപ്പോര്ട്ടു ചെയ്തിട്ടില്ല. ശക്തമായ ഭൂചലനമാണ്
അനുഭവപ്പെട്ടതെങ്കിലും സുനാമി ഭീഷണിയ്ക്കു സാധ്യതയില്ലെന്ന് ഔദ്യോഗിക
കേന്ദ്രങ്ങള് അറിയിച്ചു.