ഫുജൈറ: മലപ്പുറം വേങ്ങര സ്വദേശി പുള്ളാട്ട് മൊയ്തീന് ഹാജി (57) നിര്യാതനായി. ഇക്കഴിഞ്ഞ വെള്ളിയാഴ്ച ഹൃദയാഘാതത്തെ തുടര്ന്ന് ഫുജൈറ ഹോസ്പിറ്റലില് പ്രവേശിപ്പിച്ചിരുന്നു. ചികില്സക്കിടെ ഞായറാഴ്ചയാണ് മരിച്ചത്. സഹോദരങ്ങള്ക്കൊപ്പം ഫുജൈറയില് ‘ഇവ കഫ്തീരിയ’ എന്ന പേരില് സ്ഥാപനം നടത്തിവരികയായിരുന്നു. 14 വര്ഷമായി ഈ സ്ഥാപനത്തിലാണ്. ഇതേ കഫ്തീരിയില് ഇദ്ദേഹത്തിന്റെ മകന് ശിഹാബ് ജോലി ചെയ്യുന്നുണ്ട്. ഭാര്യ: സഫിയ. മറ്റു മക്കള്: നൗഷാദ്, അന്വര് (ഇരുവരും സൗദി), ഹുനൈസ്, ശഹാന ഷെറിന്.
‘ഇവ കഫ്തീരിയ’ നടത്തുന്ന അബ്ബാസ്, അഹ്മദ് ഹാജി, അബ്ദുല് മജീദ് എന്നിവരടക്കം ഏഴു സഹോദരന്മാരും നാല് സഹോദരിമാരുമുണ്ട്. മൃതദേഹം തിങ്കളാഴ്ച നാട്ടില് കൊണ്ടുപോകാന് സാധിക്കുമെന്ന് പ്രതീക്ഷിക്കുന്നതായി സഹോദരന് അബ്ബാസ് പറഞ്ഞു.