സീതയും ഇന്നത്തെ സ്‌ത്രീയും
വാസുദേവ്‌ പുളിക്കല്‍ Published on 17 August, 2012
ആരാണ്‌ സീത
രാമായണത്തിലെ ദുഖപുത്രിയോ
അയോദ്ധ്യാപതി രാമന്റെ
പത്‌നിയോ രാജ്ഞിയോ
അസുര രാജാവിന്റെ ഹൃദയമപഹരിച്ചവളോ
ആയാളാല്‍ അപഹരിക്കപ്പെട്ടവളോ
ഭര്‍ത്താവ്‌ പരിത്യജിച്ചവളോ
പരിശുദ്ധി തെളിയിക്കാന്‍
അഗ്നിയില്‍ ചാടേണ്ടിവന്നവളോ
പൊന്മാനിനെ കണ്ടു മോഹിച്ച
സാധാരണ സ്‌തീയോ
ഭര്‍ത്താവ്‌ കൂടെയുണ്ടെങ്കില്‍
കാടും കൊട്ടാരവും ഒന്നെന്ന്‌ കരുതിയവളോ
അല്ല
സമൂഹമെന്ന വേടന്റെ
അമ്പുകൊണ്ട്‌ എന്നും പിടയുന്ന പക്ഷി
മാനിഷാദ പാടാന്‍ വാത്മീകിയില്ലാതെ
നിഷാദശരം നിത്യം കൊള്ളുന്നവള്‍
ജനസംസാരം മാത്രം കേള്‍ക്കുന്ന
പുരുഷന്റെ സാധുവായ ഭാര്യ
പവിത്രയായിട്ടും പതിയും സമൂഹവും
അഗ്നിയിലിട്ട്‌ പരീക്ഷിക്കപ്പെട്ടവള്‍
പുരുഷന്റെ വെറും ഉപകരണമായി
അവന്റെ താളത്തിനൊത്ത്‌ തുള്ളി തുള്ളി
ക്ഷമയുടെ നെല്ലിപ്പടി കാണുമ്പോള്‍
അമ്മയെ വിളിച്ച്‌ കരയുന്നവള്‍
ഒരു പുരുഷനുവേണ്ടി കന്യകാത്വം
കാത്ത്‌ സൂക്ഷിക്കുന്നവള്‍
അത്‌ കവരുന്നവന്റെ നിത്യദാസിയാകുന്നവള്‍
പരപുരുഷനെ നോക്കാത്തവള്‍
പരപുരുഷനെ കേള്‍ക്കാത്തവള്‍
എന്നിട്ടും സമൂഹം എന്ന ശരം
കൊണ്ട്‌ ഭൂമിയില്‍ വീഴുന്നവള്‍
ഇന്നത്തെ പാവം സ്‌ത്രീ
പീഡിപ്പിക്കപ്പെടുന്നവള്‍, വില്‍ക്കപ്പെടുന്നവള്‍
പൊന്നും പണവും കൊടുത്ത്‌ പുരുഷനെ വാങ്ങിയിട്ടും
അവന്റെ അടിമയാകുന്നവള്‍
ശാപമില്ലാത്ത രാവണന്മാരാല്‍
ബലാത്സംഗം ചെയ്യപ്പെടുന്നവള്‍
ഏതു നിമിഷവും തീയില്‍ ചാടി
പരിശുദ്ധി തെളിയിക്കപ്പെടേണ്ടവള്‍
സീതയെ മാതൃകയാക്കുമ്പോള്‍
സ്വന്തം വ്യക്തിത്വം പാടില്ല.
രാമായണത്തിലെ ദുഖപുത്രിയോ
അയോദ്ധ്യാപതി രാമന്റെ
പത്‌നിയോ രാജ്ഞിയോ
അസുര രാജാവിന്റെ ഹൃദയമപഹരിച്ചവളോ
ആയാളാല്‍ അപഹരിക്കപ്പെട്ടവളോ
ഭര്‍ത്താവ്‌ പരിത്യജിച്ചവളോ
പരിശുദ്ധി തെളിയിക്കാന്‍
അഗ്നിയില്‍ ചാടേണ്ടിവന്നവളോ
പൊന്മാനിനെ കണ്ടു മോഹിച്ച
സാധാരണ സ്‌തീയോ
ഭര്‍ത്താവ്‌ കൂടെയുണ്ടെങ്കില്‍
കാടും കൊട്ടാരവും ഒന്നെന്ന്‌ കരുതിയവളോ
അല്ല
സമൂഹമെന്ന വേടന്റെ
അമ്പുകൊണ്ട്‌ എന്നും പിടയുന്ന പക്ഷി
മാനിഷാദ പാടാന്‍ വാത്മീകിയില്ലാതെ
നിഷാദശരം നിത്യം കൊള്ളുന്നവള്‍
ജനസംസാരം മാത്രം കേള്‍ക്കുന്ന
പുരുഷന്റെ സാധുവായ ഭാര്യ
പവിത്രയായിട്ടും പതിയും സമൂഹവും
അഗ്നിയിലിട്ട്‌ പരീക്ഷിക്കപ്പെട്ടവള്‍
പുരുഷന്റെ വെറും ഉപകരണമായി
അവന്റെ താളത്തിനൊത്ത്‌ തുള്ളി തുള്ളി
ക്ഷമയുടെ നെല്ലിപ്പടി കാണുമ്പോള്‍
അമ്മയെ വിളിച്ച്‌ കരയുന്നവള്‍
ഒരു പുരുഷനുവേണ്ടി കന്യകാത്വം
കാത്ത്‌ സൂക്ഷിക്കുന്നവള്‍
അത്‌ കവരുന്നവന്റെ നിത്യദാസിയാകുന്നവള്‍
പരപുരുഷനെ നോക്കാത്തവള്‍
പരപുരുഷനെ കേള്‍ക്കാത്തവള്‍
എന്നിട്ടും സമൂഹം എന്ന ശരം
കൊണ്ട്‌ ഭൂമിയില്‍ വീഴുന്നവള്‍
ഇന്നത്തെ പാവം സ്‌ത്രീ
പീഡിപ്പിക്കപ്പെടുന്നവള്‍, വില്‍ക്കപ്പെടുന്നവള്‍
പൊന്നും പണവും കൊടുത്ത്‌ പുരുഷനെ വാങ്ങിയിട്ടും
അവന്റെ അടിമയാകുന്നവള്‍
ശാപമില്ലാത്ത രാവണന്മാരാല്‍
ബലാത്സംഗം ചെയ്യപ്പെടുന്നവള്‍
ഏതു നിമിഷവും തീയില്‍ ചാടി
പരിശുദ്ധി തെളിയിക്കപ്പെടേണ്ടവള്‍
സീതയെ മാതൃകയാക്കുമ്പോള്‍
സ്വന്തം വ്യക്തിത്വം പാടില്ല.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala