ദോഹ: ജനാധിപത്യ പ്രക്ഷോഭത്തെ തുടര്ന്ന് ദുരിതത്തിലായ സിറിയന് ജനതയെ
സഹായിക്കാനായി രാജ്യവ്യാപകമായി നടന്നു വരുന്ന കാംപെയിന്റെ ഓപ്പണ് ദിനത്തില്
ദോഹയുടെ കാരുണ്യം എല്ലാ നിയന്ത്രണങ്ങളും വിട്ടൊഴുകി.
`കുല്ലുന ലില്ശാം'
(നമ്മളെല്ലാം ശാമിനുവേണ്ടി) എന്ന പേരില് നടക്കുന്ന ഈ ദേശവ്യാപകമായ കാമ്പയിന്റ
ഓപ്പണ് ദിനമായ ശനി രാത്രി 9.30 മുതല് 12.30 വരെയുള്ള മൂന്നു മണിക്കൂറില് മൂന്നു
വേദികളിലായി സംഘടിപ്പിച്ച കാമ്പയിനിലൂടെ മാത്രം ലഭിച്ചത് 206 ദശലക്ഷം റിയാല്. ഈ
സദുദ്യമത്തിനായി അക്ഷരാര്ഥത്തില് ലക്ഷങ്ങള് ഒഴുകുകയായിരുന്നു. മുഖ്യ വേദിയായ ദോഹ
ഷെറാട്ടണ്, ലാന്റ് മാര്ക്ക്, ഹയാത്പ്ലാസ എന്നീ സ്ഥലങ്ങളില് സിറിയന് ജനതയുടെ
കണ്ണീരൊപ്പാന് എന്തു സഹായവും നല്കാന് തയാറായാണ് സ്വദേശികളും വിദേശികളും
എത്തിയത്.