മദ്യപിച്ച് വിമാനം പറത്തുന്നത് തടയാന്‍ പരിശോധന കര്‍ശനമാക്കുന്നു
Published on 11 July, 2012
നെടുമ്പാശ്ശേരി: പൈലറ്റുമാര്‍ മദ്യപിച്ച് വിമാനം പറത്തുന്നത് തടയാന്‍ സുരക്ഷാ പരിശോധന കര്‍ശനമാക്കുന്നു. ഡയറക്ടര്‍ ജനറല്‍ ഓഫ് സിവില്‍ ഏവിയേഷന്റെ (ഡിജിസിഎ) നിര്‍ദേശപ്രകാരമാണിത്. വിമാനം പറത്താന്‍ എത്തുന്ന പൈലറ്റിനേയും കാബിന്‍ ക്രൂകളേയും വിമാനത്തില്‍ കയറും മുമ്പ് മദ്യപിച്ചുണ്ടോ എന്നറിയാന്‍ പരിശോധന നടത്താറുണ്ട്. ആല്‍ക്കോ സെന്‍സര്‍ 3 എന്ന ഉപകരണം ഉപയോഗിച്ചാണ് നിലവില്‍ പരിശോധന നടത്തുന്നത്.
ഈ സംവിധാനം ഉപയോഗിക്കുമ്പോള്‍ തട്ടിപ്പിനുള്ള സാധ്യത കൂടുതലാണ്. അതിനാല്‍ ആല്‍ക്കോ സെന്‍സര്‍ 4 ഉപകരണം ഉപയോഗിച്ച് പരിശോധന നടത്താനാണ് വിമാന കമ്പനികള്‍ക്ക് നിര്‍ദേശം നല്‍കിയിരിക്കുന്നത്. ആല്‍ക്കോ സെന്‍സര്‍ 3 ഉപകരണം ഉപയോഗിച്ചാല്‍ പൈലറ്റ് ഊതിയോ എന്ന് മനസ്സിലാക്കാന്‍ കഴിയില്ല. എന്നാല്‍ ആല്‍ക്കോ സെന്‍സര്‍ 4 ഉപകരണം ഉപയോഗിച്ച് പരിശോധിക്കുമ്പോള്‍ പൈലറ്റ് ശരിയായി ഊതുന്നുണ്ടോ എന്ന് തിരിച്ചറിയാനാകും.
പൈലറ്റുമാരില്‍ ചിലര്‍ മദ്യപിച്ച് വിമാനം പറത്തുന്നുണ്ടെന്ന് കണ്ടെത്തിയതിനെ തുടര്‍ന്നാണ് പുതിയ നിര്‍ദേശം. മദ്യപിച്ചിട്ടുള്ളതായി കണ്ടെത്തിയാല്‍ നടപടിയും ഉണ്ടാകും. ഒരുതവണ പിടികൂടിയാല്‍ താക്കീതു നല്‍കും. രണ്ടാമതും പിടികൂടിയാല്‍ 5 വര്‍ഷത്തേക്ക് പൈലറ്റിന്റെ ലൈസന്‍സ് റദ്ദാക്കും.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala