ന്യൂഡല്ഹി: അറസ്റ്റിനു മുമ്പ് ഒരു വ്യക്തിയെ കരുതല് തടവിലാക്കിയതിന്റെ കാരണം വിവരാവകാശനിയമപ്രകാരം പുറത്തുവിടാന് ഭരണകൂടത്തിനു ബാധ്യതയില്ലെന്നു സുപ്രീംകോടതി വിധിച്ചു. ജസ്റ്റീസുമാരായ അല്തമാസ് കബീര്, ജ്ഞാനസുധ മിശ്ര, ജെ. ചെലമേശ്വര് എന്നിവരുള്പ്പെട്ട ബെഞ്ചാണു വിധി പുറപ്പെടുവിച്ചത്.
ഒരു വ്യക്തിയെ അറസ്റ്റ് ചെയ്തതിന്റെ കാരണം വെളിപ്പെടുത്തണമെന്നു ഭരണഘടനയുടെ 22-ാം വകുപ്പ് അനുശാസിക്കുന്നുണ്ട്. എന്നാല്, 2005 ലെ വിവരാവകാശ നിയമത്തില് വ്യവസ്ഥയുണെ്ടങ്കിലും അറസ്റ്റിനു മുമ്പ് വ്യക്തിയെ കരുതല് തടവിലാക്കിയതിന്റെ കാരണം വെളിപ്പെടുത്താന് ഭരണകൂടത്തിനു ബാധ്യതയില്ലെന്നു കോടതി വ്യക്തമാക്കി.