കുവൈറ്റ് : ഭരണഘടനാ കോടതി വിധിയുടെ അടിസ്ഥാനത്തില് അയോഗ്യരാക്കിയ പാര്ലിമെന്റിലെ
ഏക മന്ത്രിസഭാ അംഗമായ പാര്ലിമെന്റ് കാര്യ, ഭവന മന്ത്രി ശുഹൈബ് അല് മുവൈസിരി
രാജിവെച്ചു . അസാധാരണമായ വിധിയിലൂടെ കഴിഞ്ഞ ഫെബ്രവരിയില് നടന്ന പാര്ലിമെന്റ്
തിരഞ്ഞുടുപ്പ് കോടതി അസാധുവാക്കുകയും, മുമ്പത്തെ പര്ലിമെന്റിനെ പുനസ്ഥാപിക്കുകയും
ചെയ്ത സവിശേഷ സാഹചര്യത്തില് തന്റെ മന്ത്രി സ്ഥാനത്തിനു പ്രസക്തിയില്ലാതായതോടയാണ്
മുവൈസിരി രാജിവെച്ചത് . കുവൈറ്റിലെ നിയമ പ്രകാരം മന്ത്രിസഭയെ തിരഞ്ഞടുക്കുന്നത്
അമീറിന്റെ അവകാശമാണ് .ഭാഗികമായ ജനാധിപത്യം നിലവിലുള്ള കുവൈറ്റില് ,
തിരഞ്ഞുടുക്കപ്പെട്ട പാര്ലിമെന്റ് അംഗങ്ങളില് നിന്നും ഒരു എം പി യെങ്കിലും
മന്ത്രിസഭയില് ഉള്പ്പെടുത്തേണ്ടതുണ്ട്. അതിനെ തുടര്ന്ന് മന്ത്രിയായ മുവൈസിരി ,
ഇനി താന് തിരഞ്ഞുടുപ്പ് രാഷ്ട്രീയതിലെക്കില്ലെന്നും പ്രസ്താവിച്ചു.
പഴയ
പാര്ലിമെന്റ് മുഴുവനായി പുനസ്ഥാപിക്കണമെന്ന ഭരണഘടനാ കോടതി വിധി എങ്ങനെ
നടപ്പിലാക്കണമെന്നതിനെ കുറിച്ച് തികഞ്ഞ അവ്യക്തത നിലനില്ക്കുന്നതായാണ്
റിപ്പോര്ട്ട് . കഴിഞ്ഞ ദിവസം നടന്ന വാര്ത്താസമ്മേളനത്തില് വാര്ത്താ വിതരണ
മന്ത്രി ഷെയ്ഖ് മുഹമ്മദ് അബ്ദുല്ലഹ് അല് സബ ജനങ്ങളോട് വിധിയെ മാനിക്കണമെന്ന്
അഭ്യര്ഥിച്ചെങ്കിലും , കോടതി വിധി എങ്ങനെ നടപ്പിലാക്കുമെന്ന്
വ്യക്തമാക്കിയിരുനില്ല. പാര്ലിമെന്റ് അംഗം എന്ന നിലയില് എം പി മാര്
അനുഭവിക്കുന്ന ആനുകൂല്യങ്ങളെ കുറിച്ചും ആശയകുഴപ്പം നിലനില്ക്കുകയാണ് , വിധിയുടെ
അടിസ്ഥാനത്തില് എം പി മാരല്ലാതായവര് അവ തിരിച്ചു നല്കുകയും, പുനസ്ഥാപിക്കപ്പെട്ട
പാര്ലിമെന്റിലെ അംഗങ്ങള്ക്ക് അവ നല്കുകയും വേണം .അതേസമയം നീതിന്യായ , ഇസ്ലാമിക
കാര്യ മന്ത്രി ജമാല് ശിഹാബ് വിധിയെ രാഷ്ട്രീയ വല്ക്കരിക്കരുതെന്നു
അഭ്യര്ത്തിച്ചു. ഭരണഘടനാ കോടതി ഉന്നതമായ ന്യായപീടമാണ്, കോടതി വിധിയുടെ വിവിധ
വശങ്ങള് അടുത്ത ദിവസം തന്നെ രാജ്യത്തെ ഉയര്ന്ന നിയായ വിദഗ്ദരുമായി ചര്ച്ച
നടത്തുമെന്നും അദ്ദേഹം പറഞ്ഞു .
അതിനിടെ കോടതി വിധിയുടെ
പാശ്ചാത്തലത്തില് ഉണ്ടായ പുതിയ രാഷ്ട്രീയ സംഭവ വികാസങ്ങളെ തുടര്ന്ന് പ്രതിപക്ഷ
എം പി മാര് അയോഗ്യമാക്കപ്പെട്ട പാര്ലിമെന്റിലെ സ്പീക്കര് ആയിരുന്ന അഹ്മദ് അല്
സൂരിന്റെ ദീവാനിയയില് ഒത്തു കൂടി . തിരഞ്ഞുടുപ്പിനെ ചോദ്യം ചെയ്തു കൊണ്ട് ചില
സ്ഥാനാര്ഥികള് നല്കിയ ഹരിജി പരിഗണിച്ച ഭരഘടനാ കോടതിയുടെ വിധിയെ തുടര്ന്ന്
കഴിഞ്ഞ പര്ലിമെന്റിനെ തിരിച്ചു കൊണ്ടുവരാനുള്ള ശ്രമം അംഗീകരിക്കില്ലെന്ന് അഹ്മദ്
അല് സൂര് പറഞ്ഞു . രാജ്യത്തെ ചരിത്രത്തില് തന്നെ അസാധാരണമായ ഭരണഘടനാ കോടതിയുടെ
വിധി രാജ്യത്തെ ജനങ്ങളോടുള്ള വെല്ലുവിളിയാണെന്നും , ജനങ്ങള് തിരസ്ക്കരിച്ച
പര്ലിമെന്റിനെ പ്രതിഷ്ടിക്കാനുള്ള നീക്കം എന്ത് വില കൊടുത്തും തടയുമെന്നും
അദ്ദേഹം കൂട്ടിച്ചേര്ത്തു .