നിലമ്ബൂര്‍: തെ​രഞ്ഞെടുപ്പ്​ പ്രഖ്യാപിച്ചിട്ടും എം.എല്‍.എയെ കാണുന്നില്ലെന്ന പ്രതിപക്ഷത്തിന്‍റെ ആരോപണങ്ങള്‍ക്കിടെ ഫേസ്​ബുക്​ വിഡിയോയില്‍ വീണ്ടും പ്രത്യക്ഷപ്പെട്ട്​ പി.വി അന്‍വര്‍ എം.എല്‍.എ. പശ്ചിമ ആഫ്രിക്കന്‍ രാജ്യമായ സിയറ ലിയോണില്‍ നിന്നാണ്​ അന്‍വര്‍ വിഡിയോയിലെത്തിയത്​.

ഒന്നും പ്രതീക്ഷിക്കാതെയാണ്​ രാഷ്​ട്രീയത്തിലെത്തിയതെന്നും വര്‍ഷത്തില്‍ മൂന്ന്​ ലക്ഷത്തി​െന്‍റ ഇന്ധനത്തുക, 75,000 രൂപയുടെ ട്രെയിന്‍ അലവന്‍സ്​ എന്നിവ മാത്രമാണ്​ സര്‍ക്കാറില്‍നിന്ന്​ സ്വീകരിച്ചതെന്നും​ എം.എല്‍.എ പറയുന്നു. 35 വര്‍ഷത്തെ ത​െന്‍റ അധ്വാനവും മാതാപിതാക്കളില്‍നിന്ന്​ ലഭിച്ച സ്വത്തുക്കളും ഉള്‍പ്പെടുന്ന വ്യാപാര സ്ഥാപനങ്ങള്‍ കുറച്ച്‌​ മാസങ്ങളായി അടച്ചുപൂ​ട്ടേണ്ട അവസ്ഥയാണ്​. ഓരോ മാസവും ഓരോ സ്ഥാപനം അടച്ചുപൂ​ട്ടേണ്ടി വന്നു. വരുമാനം നിലച്ചു.

സ്വത്തുണ്ടായിട്ടും ബാധ്യതകള്‍ വീട്ടാന്‍ കഴിയാത്ത നിര്‍ഭാഗ്യവാനാണ്​ താനെന്നും അദ്ദേഹം പറയുന്നു. പി.വി. അന്‍വറി​െന്‍റ ഭൂമി നിയമപരമല്ലെന്നും വാങ്ങിയാല്‍ കേസില്‍ ഉള്‍പ്പെടുമെന്നും പ്രചരിപ്പിക്കുന്നു. ബാധ്യത തീര്‍ക്കാന്‍ കഴിയാത്ത സാഹചര്യത്തിലാണ്​ അവസാന മൂന്നുമാസം പശ്ചിമ ആഫ്രിക്കയില്‍ അധ്വാനിക്കേണ്ടി വന്നത്​​​. തദ്ദേശ തെരഞ്ഞെടുപ്പ്​ ഫലം അറിഞ്ഞ ദിവസം തന്നെയാണ് ആഫ്രിക്കയിലേക്ക്​ പോയതെന്നും അന്‍വര്‍ കൂട്ടിച്ചേര്‍ത്തു.

പശ്ചിമ ആഫ്രിക്കയില്‍ എന്താണ്​ ചെയ്യുന്നതെന്നതെന്ന്​ വരും വിഡിയോകളില്‍ പറയുന്നതാണെന്നും അന്‍വര്‍ കൂട്ടിച്ചേര്‍ത്തു.