ഇംഗ്ലണ്ടിനെതിരെയുള്ള നാലാം ടെസ്റ്റില് നിന്ന് ജസ്പ്രീത് ബുംറ അവധിയെടുത്തത് വിവാഹത്തിനാണെന്നും, വധു മലയാള സിനിമാ താരം അനുപമ പരമേശ്വരനാണെന്നുമുള്ള ഗോസിപ്പുകള് സമൂഹ മാധ്യമങ്ങളില് പ്രചരിക്കുകയാണ്. ഇക്കാര്യത്തില് പ്രതികരണവുമായി അനുപമ പരമേശ്വരന്റെ അമ്മ സുനിത പരമേശ്വരന് തന്നെ രംഗത്തെത്തിയിരിക്കുകയാണ്.
പുറത്തു പ്രചരിക്കുന്ന അഭ്യൂഹങ്ങള് എല്ലാം വെറുതേയാണെന്നും തല്ക്കാലം ബുമ്രയുമായി മറ്റൊരു തരത്തിലുള്ള ഒരു ബന്ധവും അനുപമയ്ക്കില്ലെന്നും സുനിത പരമേശ്വരന് പറഞ്ഞു. മനോരമ ഓണ്ലൈനോട് ഈ വിഷയത്തില് പ്രതികരിക്കുകയായിരുന്നു സുനിത പരമേശ്വരന്. ഇരുവരും തമ്മില് പരിചയമുണ്ട് എന്നത് വാസ്തവമാണ്. അനുപമയുടെ അച്ഛന് വലിയൊരു ക്രിക്കറ്റ് പ്രേമിയാണ്. ഒരിക്കല് ഷൂട്ടിങ്ങിനു പോയപ്പോള് അതേ ഹോട്ടലില്തന്നെ ബുമ്രയുണ്ടായിരുന്നു. അങ്ങനെയാണ് അവര് ആദ്യമായി പരിചയപ്പെടുന്നത്.
അനുപമയുടെ കല്യാണം സോഷ്യല് മീഡിയ തന്നെ നേരത്തെ പലതവണ നടത്തിയതല്ലേ എന്നും സുനിത ചോദിച്ചു, പലതവണ അവളുടെ വിവാഹം സമൂഹമാധ്യമങ്ങളിലൂടെ കഴിഞ്ഞതല്ലേ... അനുപമയെക്കുറിച്ച് എല്ലാവരും മറന്നു തുടങ്ങുമ്ബോള് ഓരോ പുതിയ കഥ വരും. അങ്ങനെ വരുന്ന കാര്യങ്ങളെ പോസിറ്റിവായിട്ടേ കാണുന്നുള്ളൂ. ഇന്സ്റ്റഗ്രാമില് ഇരുവരും പരസ്പരം ഫോളോ ചെയ്യാന് തുടങ്ങിയതുമുതലാണ് ഇത്തരം ഗോസിപ്പുകള് വന്നു തുടങ്ങിയതെന്നും സുനിത പരമേശ്വരന് ചൂണ്ടിക്കാട്ടി.
2019ലാണ് ഇരുവരും പ്രണയത്തിലാണെന്ന തരത്തിലുള്ള ഗോസിപ്പുകള് ആദ്യം പുറത്തു വരുന്നത്. ആ സമയത്ത് 1.1 ദശലക്ഷം ഫോളോവേഴ്സുള്ള ബുംറയുടെ ട്വിറ്റര് പേജിലെ ഫോളോ ലിസ്റ്റില് 25 പേര് മാത്രമാണ് ഉണ്ടായിരുന്നത്. അതിലെ ഏക നടി അനുപമയായിരുന്നു. ഇതാണ് അഭ്യൂഹങ്ങള്ക്ക് വഴി വച്ചത്. എന്നാല് ബുംറയും താനും അടുത്ത സുഹൃത്തുക്കള് മാത്രമാണ് എന്നും അതില്ക്കൂടുതല് ഒന്നുമില്ലെന്നും നടി ആ സമയത്ത് തന്നെ പ്രതികരിച്ചിരുന്നു.വിവാദങ്ങള്ക്ക് പിന്നാലെ ബുംറ അനുപമയെ അണ്ഫോളോ ചെയ്തു. അതിന് മുമ്ബ് അനുപമയുടെ ട്വീറ്റുകളെല്ലാം ബുംറ ലൈക്ക് ചെയ്തിരുന്നു. തിരിച്ചും.
മലയാള ചിത്രം പ്രേമത്തിലൂടെയാണ് അനുപമ സിനിമയിലേക്ക് കടന്നുവരുന്നത്. തുടര്ന്ന് തെലുങ്കിലെത്തി. പിന്നീട് ടോളിവുഡിലും സജീവമായി.