ന്യൂഡല്ഹി: ജോസ് കെ മാണി വിഭാഗത്തിന് രണ്ടില ചിഹ്നം അനുവദിച്ച ഉത്തരവ് ശരിവച്ച ഹൈക്കോടതി വിധിക്ക് എതിരെ പി ജെ ജോസഫ് വിഭാഗം സുപ്രീം കോടതിയില് ഹര്ജി നല്കി. ഹൈക്കോടതി വിധി ഉടന് സ്റ്റേ ചെയ്യണം എന്നും ജോസഫ് വിഭാഗം സുപ്രീം കോടതിയില് ഫയല് ചെയ്ത ഹര്ജിയില് ആവശ്യപ്പെട്ടിട്ടുണ്ട്.
ജോസഫ് വിഭാഗം നേതാവ് പി സി കുര്യാക്കോസ് ആണ് ഹൈക്കോടതി വിധിക്ക് എതിരെ സുപ്രീം കോടതിയില് ഹര്ജി നല്കിയിരിക്കുന്നത്. </p>
ഇതിനിടെ ജോസഫ് വിഭാഗത്തിന്റെ ഹര്ജിയില് ഇടക്കാല ഉത്തരവ് പുറപ്പെടുവിക്കുന്നതിന് മുമ്പ് തങ്ങളുടെ വാദം കൂടി കേള്ക്കണം എന്ന് ആവശ്യപ്പെട്ട് ജോസ് കെ മാണി സുപ്രീം കോടതിയില് തടസ്സ ഹര്ജി ഫയല് ചെയ്തു.
നിയമസഭാ തിരഞ്ഞെടുപ്പ് വിജ്ഞാപനം വരുന്നതിന് മുമ്പ് ഹര്ജി സുപ്രീം കോടതിയുടെ പരിഗണനയില് എത്തിക്കാന് ഉള്ള ശ്രമം ജോസഫ് വിഭാഗം ആരംഭിച്ചിട്ടുണ്ട്. ഹൈക്കോടതി വിധി സുപ്രീം കോടതി സ്റ്റേ ചെയ്താല് ജോസ് കെ മാണി വിഭാഗത്തിലെ സ്ഥാനാര്ത്ഥികള് രണ്ടില ചിഹ്നത്തില് മത്സരിക്കുന്നത് തടയാന് കഴിയും എന്നാണ് ജോസഫ് വിഭാഗത്തിന്റെ വിലയിരുത്തല്.