Image

പുലരീ...നീയെത്രസുന്ദരി..!!! (കവിത: ജയിംസ് മാത്യു)

Published on 04 March, 2021
പുലരീ...നീയെത്രസുന്ദരി..!!!  (കവിത: ജയിംസ് മാത്യു)
പുതുമയിന്‍ പൂക്കള്‍വിരിയുന്ന പുലരി...
പുലര്‍കാല നന്മയാല്‍ നിറവാര്‍ന്ന ഭൂമി ..!!!
കതിരവനേകും പൊന്‍പ്രഭയില്‍ മിന്നിയും..
കലപില കൂട്ടിയും കുറുകിപ്പറന്നും വണ്ണാത്തിപ്പുള്ളുകള്‍തന്‍ മേളപ്പെരുക്കം...!!!!
മന്ദമായിവീശിയും മകരത്തണുപ്പിന്‍ ...
മഞ്ഞുനീര്‍ കുടഞ്ഞുപായും കാറ്റിന്‍ കുറുമ്പും കുസൃതിയും..!!
മാനും മയിലും മനുഷ്യനും ജീവജാലങ്ങളും..
ആദിത്യന്നയനവും ഒഴുകുന്നപുഴയും..!!
വര്‍ണ്ണവൈവിധ്യങ്ങളാലീ...ക്ഷോണിയെ..
ചമച്ചു സൂനങ്ങളും..!!!
പരിമളവാഹിയായ് പറവകള്‍ക്കഭയമായ്..
പൂക്കളെ പെയ്യിച്ചു പുത്തിലഞ്ഞിയിന്‍... നന്മയും....!!!
ചെമ്പകപ്പൂക്കളിന്‍മാസ്മരഗന്ധവും...
ചേലെഴും സുഗന്ധംനിറച്ചു വയ്ക്കും... തോട്ടിറമ്പില്‍പൂക്കും....പൂക്കൈതയും...!!!!!
പുലരീ നീയെത്ര സുന്ദരീ....!!!!!
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക