വിടവാങ്ങുന്നെന് ഗുരുനാഥനെപ്പോലൊരാള്
വിടവാങ്ങാത്ത കുറെ ഓര്മ്മകള്തീര്ത്തവന്
കുടിയേറിയ മലയാളികള്ക്കിപ്പുറം വരികള്
തനി മലയാള സംസ്കാരത്തിലിട്ട് കറ കളഞ്ഞു
കുതിര്ത്ത് വേവിച്ചു നല്കിയ ജോയന് കുമരകം.
കറ തീര്ന്ന ശൈലികള്, ഭാഷയും കൊണ്ടോരോ
മനസിലും മലയാള സംസ്കാരം വളര്ത്തിയോന്
ചെറു മനസിലും നാവിലും അക്ഷരം കുറിച്ചവന്
മലയാള സംസ്കാരത്തിനായ് പടപൊരുതിയോന്
ക്ഷീണിച്ചു പോയിരിക്കാം ചിലപ്പോഴെങ്കിലും.
ജോയന് തന് ആഗ്രഹം ഈ മറുനാട്ടിലെത്രനാള്
എണ്ണ വറ്റുന്ന തിരിപോല് ദ്യുതി പരത്തുമെന്ന-
റിയീലയെങ്കിലും കൊതിക്കുന്നുണരുവാന് ഇനി
പുത്തന് തലമുറകള് തന് മനസിലും ഓരോരോ
ജോയന് കുമരകം മലയാള സംസ്കാരത്തിനു നല്
നറുനെയ് നിറഞ്ഞ കെടാവിളക്കെന്ന പോല്.