കോട്ടയം: തന്റെ യുഡിഎഫ് പ്രവേശനം അടഞ്ഞ അധ്യായമെന്ന് പി.സി. ജോര്ജ് എം.എല്.എ. മാത്രമല്ല യുഡിഎഫ് നേതാക്കള് വഞ്ചകന്മാരാണെന്നും, യുഡിഎഫിലേക്ക് പോകാന് ഇനിയില്ലെന്നും, ഉമ്മന് ചാണ്ടിയുടെ പാര കാരണമാണ് യുഡിഎഫില് പ്രവേശനം കിട്ടാതിരുന്നതെന്നും ജോര്ജ് പറഞ്ഞു.
അതേസമയം, ചെന്നിത്തല മുഖ്യമന്ത്രിയാകുമോയെന്ന് ഉമ്മന് ചാണ്ടിക്ക് ഭയമാണ്. കൂടാതെ ഉമ്മന് ചാണ്ടിക്കെതിരേ കൂടുതല് വെളിപ്പെടുത്തലുകള് ഉടന് ഉണ്ടാകുമെന്നും അദ്ദേഹം വ്യക്തമാക്കി. നിയമസഭാ തെരഞ്ഞെടുപ്പുമായി ബന്ധപ്പെട്ട് എന്.ഡി.എയുമായി ചര്ച്ച നടത്തുകയാണ് പി.സി. ജോര്ജെന്നും റിപ്പോര്ട്ടുകള് ഉണ്ട്.