സീതാപുര്: പിതാവും മകനും ചേര്ന്ന് യുവതിയെ ബലാത്സംഗം ചെയ്തശേഷം തീകൊളുത്തി . ഉത്തര്പ്രദേശില് വ്യാഴാഴ്ചയായിരുന്നു നാടിനെ നടുക്കിയ സംഭവം. ആക്രമണത്തില് ഗുരുതര പരിക്കേറ്റ യുവതിയെ ആശുപത്രിയില് പ്രവേശിപ്പിച്ചിരിക്കുകയാണ്. പിതാവിനെയും മകനെയും പൊലീസ് അറസ്റ്റ് ചെയ്യുകയും ചെയ്തു.
സീതാപുര് മിശ്രിക്കിലെ സ്വന്തം വീട്ടിലേക്ക് പോകാനിറങ്ങിയതായിരുന്നു 30കാരിയായ യുവതി . അതുവഴി വന്ന റിക്ഷക്കാരന് യുവതിക്ക് ലിഫ്റ്റ് നല്കി. തുടര്ന്ന് റിക്ഷയില് കയറിയ യുവതിയെ 55കാരനായ റിക്ഷക്കാരനും കൗമാരക്കാരനായ മകനും ചേര്ന്ന് ക്രൂരമായി ബലാത്സംഗം ചെയ്യുകയായിരുന്നു. ശേഷം ഇവര് യുവതിയുടെ മേല് തീകൊളുത്തി.
മിശ്രിക് പ്രദേശത്ത് യുവതിയെ രണ്ടുപേര് ചേര്ന്ന് ബലാത്സംഗം ചെയ്തശേഷം തീകൊളുത്തിയെന്ന് ഹെല്പ്പ് ലൈന് നമ്ബറില് വിവരം ലഭിച്ചതോടെയാണ് സംഭവം പുറത്തറിയുന്നത്. തുടര്ന്ന് പൊലീസ് സ്ഥലത്തെത്തി പിതാവിനെയും മകനെയും കസ്റ്റഡിയിലെടുത്തു .