ന്യൂഡല്ഹി: നിയമസഭാ തെരഞ്ഞെടുപ്പില് പ്രവാസികള്ക്ക് തപാല് വോട്ടിനുള്ള സൗകര്യം ഇത്തവണയില്ല. എന്നാല് 80 വയസിന് മുകളില് പ്രായമുള്ളവര്ക്ക് തപാല് വഴി വോട്ട് രേഖപ്പെടുത്താനുള്ള സൗകര്യമൊരുക്കുമെന്ന് മുഖ്യ തെരഞ്ഞെടുപ്പ് കമ്മീഷണര് സുനില് അറോറ അറിയിച്ചു.
കോവിഡ് രോഗികള്ക്ക് വോട്ട് രേഖപ്പെടുത്താന് സാധിക്കും. കോവിഡിന്റെ പശ്ചാത്തലത്തില് പോളിംഗ് സ്റ്റേഷനുകളുടെ എണ്ണം വര്ധിപ്പിക്കുമെന്നും വോട്ടിംഗ് സമയത്തിന്റെ ദൈര്ഘ്യം നീട്ടുമെന്നും തെരഞ്ഞെടുപ്പ് കമ്മീഷണര് അറിയിച്ചു. കേരളം, തമിഴ്നാട്, ബംഗാള്, ആസാം, എന്നീ സംസ്ഥാനങ്ങളിലെയും കേന്ദ്രഭരണ പ്രദേശമായ പുതുച്ചേരിയിലെയും തെരഞ്ഞെടുപ്പ് തീയതിയാണ് മുഖ്യതെരഞ്ഞെടുപ്പ് കമ്മീഷണര് പ്രഖ്യാപിച്ചത്.