ഈ ലേഖന വായിക്കുന്ന കടലിനക്കരെയുള്ള കടൽക്കിഴവന്മാരായകോൺഗ്രാസുകാർ, കാണുവാൻ കണ്ണുള്ളവർ ഇതു തുടർന്നു കാണരുതെന്ന് കൽപ്പിക്കാൻ ഇടയുണ്ട്! കണ്ണടച്ച് ഇരുട്ടാക്കുകയും, ഇരുട്ടുകൊണ്ട് ഓട്ട അടക്കുകയും ചെയ്യുന്നവർ = കോൺഗ്രാസുകാർ? തങ്ങൾ ചെയ്യുന്നത് നാലുപൊതുജനം അറിയരുതെന്ന് നിർബന്ധമുള്ളവരാണ് കോൺഗ്രാസുകാർ. യേശു പ്രാർത്ഥനയെപ്പറ്റി പഠിപ്പിച്ചത് കോൺഗ്രാസുകാർ അവരുടെ പ്രവർത്തിയുടെ കാര്യത്തിൽ പ്രാവർത്തികമാക്കാൻ പാടുപെടുന്നു!

നല്ല ഒരു രാഷ്ട്രീയ ലേഖനം ശ്രീ ബാബു പാറക്കൽ . കേരളം ഇന്ന് പുതിയ രാഷ്ട്രീയ സാദ്ധ്യതകൾ തേടുകയാണ്. ഇലെക്ഷൻ കാലത്തു തല്ലിക്കൂട്ടുന്ന മുന്നണികൾ ഒരിക്കലും നല്ല മോഡലുകൾ അല്ല എന്ന് കാലം തെളിയിച്ചുകൊണ്ടിരിക്കുന്നു. ഓരോ പാർട്ടിയും അവരവർ തനിയെ നിൽക്കട്ടെ , എല്ലാവരും ജയിച്ചുകഴിഞ്ഞു പിന്നീട് മുന്നണി സംഘടിപ്പിക്കട്ടെ. കേരളരാഷ്ട്രീയം കുറച്ചുകൂടി വ്യക്തമാവും. കോൺഗ്രസ് പാർട്ടി ഇന്ന് ലക്‌ഷ്യം തെറ്റിയ കപ്പിത്താന്മാരുടെ കൈയിലാണ്. മേന്മയുള്ള ഒരു ചെറുപ്പക്കാരുടെ കൂട്ടം ഉണ്ടെകിലും അവരെ എട്ടുക്കും ഏഴുക്കും അടുപ്പിക്കില്ല. ഇപ്പോൾ എടുത്ത് പയറ്റുന്ന ആയുധം മതവൈരാഗ്യം ആളിക്കത്തിച്ചു ബിജെപിക്ക് ചൂട്ടുപിടിക്കുകയാണ്. ബിജെപി സുരു പറയുന്നത് കോൺഗ്രസ് അഹിന്തുക്കളെ ആണ് നേതാക്കൾ ആക്കുന്നതെന്ന പച്ച വർഗീയത. സരിതയല്ലാതെ ഒന്നും നിരത്താനില്ലാത്ത ഇടതുപക്ഷം. ഗ്രവുണ്ട്ഹോഗ് എന്ന പ്രയോഗം നന്നേ ബോധിച്ചിരിക്കുന്നു. ഒരു മുന്നണിയിലും പെടാത്ത പ്രാദേശീയ കൂട്ട് കേരളത്തെ സംശുദ്ധമാക്കുമോ അതോ വർഗീയ ചേരിയിലേക്കു കൂടുതൽ അടുപ്പിക്കുമോ? - കോരസൺ

കോൺഗ്രസ് എന്ന രാഷ്ട്രീയ മുത്തശ്ശിയുടെ അവസ്ഥാന്തരവും എഴുത്തുകാരൻ പങ്കുവെക്കുന്ന വ്യാകുലതകളും അംഗീകരിക്കുന്നു. ശബരിമല പോലുള്ള മത വിഷയങ്ങളെ തെരഞ്ഞെടുപ്പ് പ്രചാരണ വിഷയമാക്കുന്നതിലെ അദ്ദേഹത്തിന്റെ അസഹിഷ്ണതയും മനസിലാക്കുന്നു. പക്ഷെ ആ വിഷയത്തിൽ തന്റെ അസാമാന്യമായ പാണ്ഡിത്യം കൂടി പ്രകടിപ്പിക്കാൻ അദ്ദേഹം കാട്ടിയ മിടുക്കു സത്യസന്ധമല്ലാത്തതിനാൽ അത് മുകളിൽ പറഞ്ഞ കാര്യങ്ങളുടെ ആത്മാർത്ഥതയെ ഇല്ലാതാക്കിയെന്നു പറയാതിരിക്കാൻ നിർവാഹമില്ല. അതിലെ ന്യായാന്യായങ്ങൾ ബന്ധപ്പെട്ടവർക്ക് വിട്ടുകൊടുക്കുക.

ലേഖനം നന്നായിരിക്കുന്നു. എന്നാൽ ശബരിമല വിഷയത്തിൽ താങ്കൾ പറയുന്ന കാര്യം അമ്പതു വയസ്സിനു മുകളിലുള്ള ആണുങ്ങളായ ഹിന്ദുക്കൾ അംഗീകരിക്കില്ല. താങ്കൾ എഴുതിയ ഒരു കാര്യം സത്യമാണ്. എല്ലാ വിശ്വാസങ്ങളും കാലാനുസൃതമായി ജനിക്കുന്നവയാണ്. അതാണ് മഹാകവി കുമാരനാശാൻ പറഞ്ഞത്, “ഇന്നലെ ചെയ്തോരബദ്ധം ലോകർക്കിന്നത്തെ ആചാരമാകാം” എന്ന്. “യുക്തിപരമായി നിങ്ങൾ പറഞ്ഞതിനോട് ഞാൻ യോജിക്കുന്നു. എന്നാൽ ഹൈന്ദവ സങ്കല്പത്തിൽ ശാസ്താവ് ബ്രഹ്മചാരിയാണ്. സ്ത്രീകളെ കണ്ടാൽ ബ്രഹ്മചാരിത്വം നഷ്ടപ്പെട്ടാലോ. അത് വലിയൊരു വിഷയമായതിനാൽ ഞാൻ അതിൽ തൊടുന്നില്ല.

കോൺഗ്രസിന്റെ രാഷ്ട്രീയ അപചയത്തെക്കുറിച്ചുള്ള ലേഖനം കൊള്ളാം. കാര്യങ്ങൾ പറയാൻ ലേഖകൻ അവലംബിച്ച രീതിയെയും മാനിക്കുന്നു. പക്ഷെ അതിനുവേണ്ടി ശബരിമല വിഷയം എടുത്തിട്ട് അതിനെപ്പറ്റി ഒരു വിശകലം കൊടുക്കേണ്ട ആവശ്യം ഉണ്ടായിരുന്നോ എന്ന് ചിന്തിക്കേണ്ടതാണ്. ശബരിമല വിഷയത്തിന്റെ ന്യായാന്യായങ്ങൾ ചർച്ച ചെയ്യാൻ ഈ ഒരു ലേഖനം ഉപയോഗിച്ച തങ്ങളുടെ ഔചിത്യത്തെപ്പറ്റി സംശയം ഉണ്ട്. അത് ഈ ലേഖനത്തിന്റെ യുക്തിക്കും കെട്ടുറപ്പിനും യാതൊരുവിധ അടിത്തറയും നൽകുന്നില്ല. അതൊഴിവാക്കിയിരുന്നെങ്കിൽ നന്നായിരുന്നു.

ഈശ്വരന് മുന്നിൽ ആൺ പെൺ വ്യത്യാസമില്ല. അതാണ് സത്യം. പക്ഷെ കേരളത്തിൽ രാഷ്ട്രീയ വർഗീയ തിമിരം ബാധിച്ചവർക്ക് അത് അംഗീകരിക്കാൻ വിഷമം.

ലേഖനം വായിച്ചവർക്കും വായിച്ചു പ്രതികരിച്ചവർക്കും എല്ലാം നന്ദി. ശബരിമല വിഷയത്തിൽ എനിക്ക് പാണ്ഡിത്യം ഉണ്ടായിട്ടല്ല, ചെറുപ്പത്തിൽ അയലത്തുള്ള ഗോവിന്ദപ്പിള്ള സാർ പറഞ്ഞത് മനസ്സിൽ കിടന്നതു കൊണ്ടു മാത്രമാണ്. എനിക്ക് പ്രത്യേകിച്ച് ഒരു മതത്തോടും വലിയ ആഭിമുഖ്യമില്ല. എല്ലാവര്ക്കും ഒരിക്കൽക്കൂടി നന്ദി.