യു.എസ്. മുന്പ്രസിഡന്റ് ഡോണള്ഡ് ട്രമ്പിന്റെ രണ്ടാം ഇംപീച്ച്മെന്റ് രണ്ടാം അദ്ധ്യായത്തിലേയ്ക്ക് കടന്നിരിക്കുകയാണ്. സുഹൃദ്സദസുകളിലെ അന്തിമ വിധി അനുസരിച്ച് സെനറ്റ് വിചാരണയ്ക്ക് ശേഷം ട്രമ്പിനെ സെനറ്റും ഇംപീച്ച് ചെയ്യും. വീണ്ടും മത്സരിക്കുവാനുള്ള സാധ്യതയും തള്ളിക്കളയും. എന്നാല് ഈ മാര്ഗം അത്ര ലളിതമോ സുഗമമോ അല്ല എന്ന യാഥാര്ത്ഥ്യം ട്രമ്പിനെതിരെ വീറോടെ വാദിക്കുന്നവര് തിരിച്ചറിഞ്ഞിട്ടില്ല.
വിചാരണയില് ട്രമ്പിന് വേണ്ടി വാദിക്കുമെന്ന് കരുതിയിരുന്ന ചില അഭിഭാഷകര് ഇതിനകം പിന്മാറിയിട്ടുണ്ട്. പുതിയ അംഗങ്ങള് അഭിഭാഷക സംഘത്തില് വന്ന് ചേരുന്നുമുണ്ട്. സെനറ്റിലെ വിചാരണ നീതി പൂര്വമാവാന് സഹായിക്കുന്ന ഘടകങ്ങള് ധാരാളം ഉണ്ട്. ഇപ്പോള് കൂടുതല് സെനറ്റംഗങ്ങള് ഇംപീച്ച്മെന്റ് ട്രയലിനെതിരായ നിലപാട് സ്വീകരിച്ചു തുടങ്ങിയിട്ടുണ്ട്. ഇംപീച്ച്മെന്റ് ചാര്ജ്ജുകള്ക്കൊപ്പം അചഞ്ചലമായി നിലകൊള്ളുന്ന ഡെമോക്രാറ്റ് നേതാക്കള് ജനുവരി 6ന് ക്യാപിറ്റോള് മന്ദിരത്തിലുണ്ടായ കലാപത്തിന്ശേഷം റിപ്പബ്ലിക്കന് നേതാക്കള് പ്രകടിപ്പിച്ച പ്രതിഷേധം ഇപ്പോഴും നിലനില്ക്കുന്നുണ്ടെന്ന് ഡെമോക്രാറ്റുകള് വിശ്വസിക്കുന്നു.
എന്നാല് വിചാരണയില് ജൂറര്മാരാകാന് പോകുന്ന റിപ്പബ്ലിക്കന് സെനറ്റര്മാര് ആദ്യ ഇംപീച്ച്മെന്റില് സംഭവിച്ചതുപോലെ കൂടുതലായി ട്രമ്പിന്റെ പ്രതിരോധ സംഘത്തിലേയ്ക്ക് മാറുകയാണ്. ജി.ഓ.പി. അംഗങ്ങളുടെ പ്രതിഷേധ വികാരങ്ങള് കലാപത്തിനും ട്രമ്പിന്റെ അധികാരം വിട്ടൊഴിയലിനും ശേഷം തണുത്ത് തുടങ്ങിയിട്ടുണ്ട്. ഒരു വലിയ വിഭാഗം ഒരു മൃദുസമീപനം വേണമെന്ന് മാറിചിന്തിക്കുന്നു.
ഈ വിചാരണ ഒരു മൂഢതയാണെന്ന് എനിക്ക് തോന്നുന്നു. ട്രയല് അവസാനിപ്പിക്കുവാന് എനിക്ക് തോന്നുന്നു. ട്രയല് അവസാനിപ്പിക്കുവാന് എനിക്ക് ലഭിക്കുന്ന ആദ്യത്തെ അവസരത്തില് ഞാന് അതിനു വേണ്ടി വോട്ടു ചെയ്യും. കാരണം ഞാന് വിശ്വസിക്കുന്നത് ഇത് രാജ്യത്തിന് അപകടകരമാണെന്നും വിഭാഗീയത ആളിക്കത്തിക്കുവാന് സഹായിക്കുമെന്നും ആണ്, ഫ്ളോറിഡയില് നിന്നുള്ള റിപ്പബ്ലിക്കന് സെനറ്റര് മാര്കൊ റൂബിയോ പറഞ്ഞു.
സെനറ്റ് ട്രയലില് ഫെബ്രുവരി 8ന് വാദപ്രതിവാദങ്ങള് ആരംഭിക്കും. രണ്ടു കക്ഷികളും, ട്രമ്പിന്റെയും പ്രോസിക്യൂട്ടര്മാരുടെയും പ്രതിനിധികള്ക്ക് പ്രസിഡന്റ് ജോബൈഡന്റെ ചില നിയമനങ്ങള് സ്ഥിരപ്പെടുത്താന് സമയം നല്കുകയായിരുന്നു. കൂടുതല് ദിനങ്ങള് ലഭിക്കുന്നത് കൂടുതല് തെളിവുകള് ശേഖരിക്കുവാന് അവസരം നല്കുമെന്ന് ഡെമോക്രാറ്റുകള് കരുതുന്നു. ട്രയല് ഡിസ്മിസ് ചെയ്യാന് നേരത്തെ തന്നെ ഒരു വോട്ടെടുപ്പ് നടത്താനുള്ള ശ്രമം വിജയിക്കുകയില്ല. കാരണം ഇപ്പോള് സെനറ്റ് ഡെമോക്രാറ്റുകളുടെ നിയന്ത്രണത്തിലാണ്. എങ്കിലും കൂടുതല് ജിഒപി സെനറ്റംഗങ്ങള് ട്രമ്പിനെ കുറ്റവിമുക്തനാക്കാന് വോട്ടു ചെയ്തു എന്നു വരാം. ഡെമോക്രാറ്റുകള്ക്ക് 17 റിപ്പബ്ലിക്കന് അംഗങ്ങളുടെ വോട്ടുകള്കൂടിയേ തീരൂ.
പ്രതിനിധിസഭ ജനുവരി 13 ന് ട്രമ്പിനെ ഇംപീച്ച് ചെയ്തതാണ്. ആര്ക്കന്സയില് നിന്നുള്ള റിപ്പബ്ലിക്കന് സെനറ്റര് ടോം കോട്ടണ് പറഞ്ഞു: ഞാന് സംസാരിക്കുന്ന എല്ലാ റിപ്പബ്ലിക്കന് സെനറ്റര്മാരും ഇംപീച്ച്മെന്റ്്ിന് എതിരാണെന്ന സൂചനയാണ് നല്കിയത്. ഒരാഴ്ച മുമ്പ് അധികാരം ഒഴിഞ്ഞ ഒരു വ്യക്തിയെ കുറ്റക്കാരനായി കാണാനും സ്ഥാനഭ്രഷ്ടനാക്കാനും സെനറ്റ് സമയം ചെലവഴിക്കുന്നത് ധാരാളം അമേരിക്കക്കാര്ക്ക് വിചിത്രമായി തോന്നും. ഡെമോക്രാറ്റുകള് 1876 ല് ഒരു സെക്രട്ടറി ഓഫ് വാറിനെ, അയാള് രാജിവച്ചതിന് ശേഷം, ഇംപീച്ച് ചെയ്തതിനെകുറിച്ച് പറഞ്ഞു. 1812 ലെ യുദ്ധത്തിന് ശേഷം ക്യാപിറ്റോളിനെ ആക്രമിക്കുവാന് നിര്ദ്ദേശം നല്കിയ ട്രമ്പിനെ കുറിച്ചും അവര് പറഞ്ഞു. ചില റിപ്പബളിക്കനുകള് ഡെമോക്രാറ്റുകളെ പിന്തുണയ്ക്കുന്നു, സെനറ്റര് മിറ്റ് റോംനി(യൂട്ടയില് നിന്നുള്ള റിപ്പബ്ലിക്കന്) ഇംപീച്ച്മെന്റ് ട്രയല് ഉചിതമാണെന്ന് താന് വിശ്വസിക്കുന്നതായി പറഞ്ഞു. ആദ്യ സെനറ്റ് വിചാരണയില് ട്രമ്പിനെതിരെ വോട്ടു ചെയ്ത ഏക റിപ്പബ്ലിക്കന് സെനറ്റര് റോംനി ആയിരുന്നു.
എന്നാല് സൗത്ത് ഡക്കോട്ടയില് നിന്നുള്ള റിപ്പബ്ലിക്കന് സെനറ്റര് മൈക്ക് റൗണ്ട്സ് ഒരു പ്രസിഡന്റിന്റെ ഭരണം കഴിഞ്ഞാല് നടത്തുന്ന വിചാരണയ്ക്ക് യാതൊരു പ്രസക്തിയും ഇല്ലെന്ന് പറഞ്ഞു. സെനറ്റില് വിചാരണ ചെയ്യുകയും യാതൊരു പ്രസക്തിയും ഇല്ലെന്ന് പറഞ്ഞു. സെനറ്റില് വിചാരണ ചെയ്യുകയും കുറ്റക്കാരനാണെന്ന് കണ്ടെത്തുകയും ചെയ്യുക വളരെ പ്രയാസകരമായ കാര്യമാണെന്ന് ടെക്സസ് റിപ്പബ്ലിക്കന് സെനറ്റര് ജോണ് കോര് നിന് പറഞ്ഞു. മുന് പ്രസിഡന്റുമാരെ വിചാരണ ചെയ്യണമെന്നാണെങ്കില് 2022 ല് റിപ്പബ്ലിക്കന് പാര്ട്ടിക്ക് ഭൂരിപക്ഷം ലഭിക്കുമ്പോള് മുന് ഡെമോക്രാറ്റിക് പ്രസിഡന്റുമാരെയും വിചാരണ ചെയ്യണം.
ജിഓപി സെനറ്റര് ലിന്സെ ഗ്രഹാം(സൗത്ത് കാരലിന) ട്രമ്പിന്റെ ലീഗല് ടീം രൂപപ്പെടുത്തുവാനുള്ള തിരക്കിലാണ്. ട്രയല് ഡിസ്മിസ് ചെയ്യുവാന് ശ്രമിക്കുന്നതിനൊപ്പം ജനുവരി 6ന് ട്രമ്പ് നടത്തിയ പ്രസംഗം നിയമപരമായി കലാപത്തിന് ആഹ്വാനമായിരുന്നോ എന്നും പരിശോധിക്കുന്നു. വിസ്കോണ്സിനില് നിന്നുള്ള റിപ്പ. സെനറ്റര് റോണ് ജോണ്സണ് ഡെമോക്രാറ്റുകള് പ്രതികാരബുദ്ധിയോടെ പെരുമാറുകയാണെന്ന് പറഞ്ഞു. സെനറ്റ് റിപ്പ.നേതാവ് മിച്ച് മക്കൊണല് മറ്റ്് റിപ്പ. സെനറ്റര്മാരോട് തങ്ങളുടെ മനസാക്ഷിക്ക് അനുസരിച്ച് വോട്ടു ചെയ്യാന് അഭ്യര്ത്ഥിച്ചു.