കെഎസ്ആര്ടിസിയില് നൂറു കോടിയുടെ വന് വെട്ടിപ്പ് നടന്നതായി വെളിപ്പെടുത്തി കെഎസ്ആര്ടിസി എംഡി ബിജു പ്രഭാകര്. വെട്ടിപ്പ് നടത്തിയ ജീവനക്കാര്ക്കെതിരെ നടപടിസ്വീകരിക്കുമെന്നും വെളിപ്പെടുത്തിയതോടെ എംഡിക്കെതിരെ വന് പ്രതിഷേധമുയര്ത്തി ട്രേഡ് യൂണിനുകള്.
തിരുവനന്തപുരം കെഎസ്ആര്ടിസി ഓഫിസില് ഐഎന്ടിയുസി യില് അംഗങ്ങളായ ജീവനക്കാര് എംഡിയെ ഉപരോധിച്ചു. തിങ്കളാഴ്ച വന് പ്രതിഷേധ പ്രകടനങ്ങള് ഉണ്ടാകുമെന്നും ജീവനക്കാര് പറയുന്നു.
\നേരത്തേ വാര്ത്താസമ്മേളനത്തിലാണ് വെട്ടിപ്പിന്റെ ഞെട്ടിക്കുന്ന കണക്കുകള് എംഡി ബിജു പ്രഭാകര് പുറത്തുവിട്ടുത്. 2012-15 കാലയളവില് 100 കോടിയോളം രൂപയുടെ കണക്ക് കാണാനില്ലെന്ന് വ്യക്തമാക്കിയ എംഡി കെഎസ്ആര്ടിസി എക്സിക്യുട്ടിവ് ഡയറക്ടര് ഷറഫിനെതിരെയും അക്കൗണ്ട്സ് മാനേജര് ശ്രീകുമാറിനെതിരെയും നടപടിയെടുക്കും എന്നു എംഡി പറഞ്ഞിരുന്നു.
ടിക്കറ്റ് മെഷീനില് ചില ജീവനക്കാര് തട്ടിപ്പ് നടത്തുന്നുണ്ട്. ബസുകളുടെ സ്പെയര് പാര്ട്സ് വാങ്ങുന്നതിലും ഇന്ധനം വാങ്ങുന്നതിലും തട്ടിപ്പുണ്ട്. ഡീസല് വെട്ടിപ്പ് തുടരാനാണ് ചിലര് സിഎന്ജിയെ എതിര്ക്കുന്നത്. ചിലര് ജോലി ചെയ്യാതെ ഇഞ്ചിയും മഞ്ഞളും കൃഷി ചെയ്യുന്നു.
ഈ ആരോപണങ്ങളാണ് ജീവനക്കാരുടെ സംഘടനകളെ ചൊടിപ്പിച്ചത്. തുടര്ന്ന് ട്രാന്സ്പോര്ട്ട് ഓഫിസില് ഉപരോധം ഉള്പ്പെടെയുള്ള സമരപരിപാടികളിലേക്ക് തിരിയുകയായിരുന്നു