തിരുവനന്തപുരം: സംസ്ഥാനത്തിന്റെ സാമ്ബത്തിക വളര്ച്ചാ നിരക്ക് താഴേക്കെന്ന് റിപ്പോര്ട്ട്. മുന്വര്ഷത്തെ 6.49ല് നിന്ന് 3.45 ആയാണ് വളര്ച്ച നിരക്ക് താഴ്ന്നത്.
നിയമസഭയില് വച്ച സാമ്ബത്തിക സര്വേയിലാണ് ഇക്കാര്യമുള്ളത്. പ്രകൃതി ദുരന്തങ്ങള് ബാധിച്ചു. അടുത്ത സാമ്ബത്തിക വര്ഷത്തിന്റെ ആദ്യപാദത്തില് സമ്ബദ് വ്യവസ്ഥ 26% ചുരുങ്ങും. കാര്ഷിക മേഖല വളര്ച്ച നെഗറ്റീവായി (-6.62%) തുടരുന്നു.
ടൂറിസം മേഖലയ്ക്ക് വന്തിരിച്ചടിയാണ് സംസ്ഥാനത്ത് നേരിട്ടത്. 2020ലെ ഒന്പതു മാസത്തിനിടെ ഉണ്ടായ നഷ്ടം 25000 കോടിയാണ്. പ്രകൃതി ദുരന്തങ്ങള് ബാധിച്ചു. റവന്യു വരുമാനത്തില് 2629 കോടിയുടെ കുറവുണ്ട്. കാര്ഷിക മേഖല വളര്ച്ച നെഗറ്റീവായി (-6.62%) തുടരുന്നു.
സംസ്ഥാനത്ത് കടബാധ്യതയും ഉയര്ന്നിട്ടിട്ടുണ്ട്. ശമ്ബളം, പലിശ, പെന്ഷന് ചെലവുകള് വര്ദ്ധിച്ചു. സംസ്ഥാനത്തിന്റെ കടബാധ്യത 260311 കോടിയായി ഉയര്ന്നു. ആഭ്യന്തര കടത്തിന്റെ വര്ധന 9.91 ശതമാനം. തൊഴിലില്ലായ്മ നിരക്ക് ഒന്പത് ശതമാനമായി.
12.95 ലക്ഷം പ്രവാസികള് സംസ്ഥാനത്ത് തിരിച്ചെത്തിയിട്ടുണ്ട്. ഏകദേശം 60 ശതമാനം പ്രവാസികളും തിരിച്ചെത്തി. ഇത് കടുത്ത പ്രതിസന്ധിയുണ്ടാക്കുന്നതാണ്. അതേസമയം, സംസ്ഥാനത്ത് നെല്ലിന്റെ ഉല്പാദനം വര്ധിച്ചിട്ടുണ്ട്.