തിരുവനന്തപുരം: വേങ്ങരയിലെ ക്രഷറില്‍ കഴിഞ്ഞദിവസമുണ്ടായ അപകടത്തില്‍പ്പെട്ട്‌ മരിച്ചവരുടെ ആശ്രിതര്‍ക്ക്‌ അഞ്ചു ലക്ഷം രൂപ ധനസഹായം നല്‍കാന്‍ സര്‍ക്കാര്‍ തീരുമാനിച്ചു. കണ്ണമംഗലം ഊരകം കിളിനിക്കോട്‌ മലയിലെ ക്രഷറിലുണ്ടായ അപകടത്തില്‍ നാല്‌ തൊഴിലാളികള്‍ മരിച്ചിരുന്നു. അതിനിടെ ക്രഷറുകള്‍ക്കും ക്വാറികള്‍ക്കുമായി ഒരു പുതിയ നയം രൂപീകരിക്കുമെന്ന്‌ മുഖ്യമന്ത്രിയും വ്യവസായ മന്ത്രി പി.കെ കുഞ്ഞാലിക്കുട്ടിയും സഭക്ക്‌ ഉറപ്പ്‌ നല്‍കി. ദുരന്തത്തെക്കുറിച്ച്‌ അടുത്ത ദിവസം സഭയില്‍ ചര്‍ച്ചനടത്തുമെന്നും അവര്‍ അറിയിച്ചു.