വാഷിങ്ടണ്: ക്യാപിറ്റോളില് ട്രംപ് അനുകൂലികളുടെ അക്രമത്തില് മരണം നാലായി. ജോ ബൈഡന്റെ വിജയം അംഗീകരിക്കാന് യു.എസ് കോണ്ഗ്രസിന്റെ ഇരു സഭകളും സമ്മേളിക്കുന്നതിനിടെയാണ് ആയിരക്കണക്കിനു ട്രംപ് അനുകൂലികള് കാപ്പിറ്റോള് മന്ദിരത്തിന് അകത്ത് അക്രമം അഴിച്ചുവിട്ടത്.
മരിച്ചവര് ട്രംപ് അനുകൂലികളാണെന്നാണ് റിപ്പോര്ട്ടുകള്
പൊലിസ് വെടിവയ്പ്പിലാണ് ഒരു സ്ത്രീ കൊല്ലപ്പെട്ടത്. സംഘര്ഷത്തിനിടെ പരിക്കേറ്റ മറ്റു മൂന്നുപേര് ചികില്സയിലിരിക്കെയാണ് മരിച്ചതെന്നും വാഷിങ്ടണ് ഡിസി പൊലീസ് മേധാവി റോബര്ട്ട് കോണ്ടി വ്യക്തമാക്കി.
പ്രതിഷേധക്കാരോട് പിരിഞ്ഞുപോകാന് പറയണമെന്ന് ജോ ബൈഡന് ട്രംപിനോട് ആവശ്യപ്പെട്ടു.
അക്രമത്തില് പരിക്കേറ്റവരെ ആശുപത്രിയിലേക്ക് മാറ്റി. അമേരിക്കന് ചരിത്രത്തില് ആദ്യമായാണ് വാഷിങ്ടണ് ഡിസിയില് ഇത്ര ഗൗരവകരമായ സുരക്ഷാ ലംഘനങ്ങള് നടക്കുന്നത്.
മുഴുവന് അക്രമികളെയും പാര്ലമെന്റ് മന്ദിരത്തില് നിന്ന് ഒഴിപ്പിച്ചതായി അധികൃതര് വ്യക്തമാക്കി.
സെനറ്റ് ചേമ്ബറില് അതിക്രമിച്ച കയറിയവര് അധ്യക്ഷന്റെ വേദിയില് കയറിപ്പറ്റി. വൈസ് പ്രസിഡന്റ് മൈക്ക് പെന്സിനെ സുരക്ഷിത സ്ഥലത്തേക്ക് മാറ്റി. ഇരുസഭകളും നിര്ത്തിവെച്ച് അംഗങ്ങളെ സുരക്ഷിതമായി മാറ്റി.