ദുർഘടപൂരിതവും പ്രതിസന്ധികൾ നിറഞ്ഞതുമായ ലോകജീവിതത്തെ മെയ്‌വഴക്കത്തോടെ മെരുക്കി എങ്ങനെ മുന്നോട്ടുപോകാമെന്ന് സഹജർക്കു പറഞ്ഞുതരാൻ മെനക്കെടുന്നതിൽ ആനന്ദിക്കുന്നു മനുഷ്യസ്നേഹിയായ ഒരു മനുഷ്യനാണ് താനെന്ന് ഇതിനോടകം ശ്രീ. തെളിയിച്ചുകഴിഞ്ഞിരിക്കുന്നു. ഒരു മുരളീഗാനംപോലെ കർണ്ണാനന്ദകരമാണ് പുതുവത്സരാരംഭത്തിൽ അദ്ദേഹം നമുക്കു വച്ചുനീട്ടുന്ന പത്തു പ്രമാണങ്ങൾ. 2021-നു മാത്രമല്ല വരുംവർഷങ്ങൾക്കും അവ നമുക്കെല്ലാവർക്കും പ്രകാശമരുളട്ടെ! അവയിൽ രണ്ടുപ്രമാണങ്ങൾ പ്രത്യേകം ഗൗനിക്കപ്പെടേണ്ടതാണ്. ശാസ്ത്രം രോഗങ്ങൾക്കുമേൽ മേൽക്കൈനേടുന്നു എന്ന നിരീക്ഷണമാണ് ഏറ്റവും പ്രധാനമായത്. അക്കാര്യം മനസിലാക്കാത്തവർ, അല്ലെങ്കിൽ കാലഹരണപ്പെട്ട സ്വന്തം നിലപാടുകളെ ചിന്തിക്കാത്ത അനുയായികളുടെമേൽ അടിച്ചേൽപ്പിക്കാൻ പാടുപെടുന്നവർ ഏറെയാണ്. മതത്തിൻറ്റെ മേൽക്കോയ്മയിൽ മദിച്ചുനിൽക്കുന്നവരാണ് അവരിലധികവും. മന്ത്രവാദികളും, മൗലവിമാരും മഹാപുരോഹിതന്മാരും ധ്യാനഗുരുക്കന്മാരും കൃപാസനക്കാരും ---- അങ്ങനെ നീളുന്നു അവരുടെ പട്ടിക. അവർ ചെയ്യുന്ന അപരാധത്തിൻറ്റെ ആഴം അളക്കാനാവുന്നതല്ല! മനുഷ്യനന്മക്കുവേണ്ടി ഇക്കൂട്ടരെയൊക്കെ നിരോധിച്ചിരുന്നുവെങ്കിൽ എന്നാശിക്കുന്നവർ ഉണ്ട്!. പക്ഷെ, ജനാധിപത്ര്യത്തിൽ മണിയും പതിരും ഒന്നുപോലെ ഗണിക്കപ്പെടുന്നുവല്ലോ! രണ്ടാമതൊരു പ്രസക്ത പ്രമാണം :ജനകീയതേക്കാൾ കാര്യപാപ്തിയുള്ള നേതാക്കന്മാരെ ജനങ്ങൾ സ്വീകരിക്കാൻ മനസ്സു കാണിക്കുന്നു എന്ന നിരീക്ഷണമാണ്. ഏറ്റവും ഉത്തമമായ സമീപകാല ഉദാഹരണവുമായി ട്രമ്പിൻറ്റെ പതനം ലോകം ദർശിക്കുന്നു. ഈ മുരളീ ഗാനങ്ങൾ വർഷാന്തരങ്ങളോളം മനുഷ്യരുടെ കർണ്ണങ്ങളിൽ മുഴങ്ങട്ടെ! മുരളി തുമ്മാരുകുടിക്കും, മറ്റെല്ലാവർക്കും പുതുവത്സരത്തിൻറ്റെ മംഗളങ്ങൾ!