ലക്നൗ: മതപരിവര്ത്തന വിരുദ്ധ നിയമ പ്രകാരം യുപിയില് ആദ്യ കേസ് രജിസ്റ്റര് ചെയ്തു. ബറേലി ജില്ലയില് ഒരു യുവതിയുടെ പിതാവിന്റെ പരാതിയിലാണ് മതപരിവര്ത്തന വിരുദ്ധ നിയമ പ്രകാരം ആദ്യ കേസ് രജിസ്റ്റര് ചെയ്തത്.
ബറേലി ജില്ലയിലെദേവര്ണിയന് പോലീസ് സ്റ്റേഷനില് ശനിയാഴ്ചയാണ് ആദ്യ കേസ് രജിസ്റ്റര് ചെയ്തത്. ദേവര്ണിയന് പോലീസ് സ്റ്റേഷന് കീഴിലുള്ള ഷെരീഫ് നഗര് ഗ്രാമത്തിലെ താമസക്കാരനായ ടിക്കാറാം നല്കിയ പരാതിയിലാണ് കേസ് രജിസ്റ്റര് ചെയ്തിരിക്കുന്നത്.
ഗ്രാമത്തിലെ ഉവൈഷ് അഹ്മദ് എന്ന് പേരായ യുവാവ് മകളെ പ്രണയിച്ച് പരിവര്ത്തനത്തിന് ശ്രമിക്കുന്നുവെന്നാണ് പരാതിയില് പറയുന്നത്. ഉവൈഷ് അഹ്മദിനെതിരെ പുതിയ മതപരിവര്ത്തന വിരുദ്ധ നിയമ പ്രകാരവും ഐപിഎി പ്രകാരവുമാണ് കേസ് രജിസ്റ്റര് ചെയ്തിരിക്കുന്നത്.
നിര്ബന്ധിതമോ വഞ്ചനാപരമോ ആയ മതപരിവര്ത്തനത്തിനെതിരെയുള്ള ഓര്ഡിനന്സില് ശനിയാഴ്ചയാണ് യുപി ഗവര്ണര് ആനന്ദിബെന് പട്ടേല് ഒപ്പുവെച്ചത്. ഓര്ഡിനന്സ് പ്രകാരം നിര്ബന്ധിത കൂട്ട മതപരിവര്ത്തന കേസുകളില് മൂന്ന് മുതല് 10 വര്ഷം വരെ തടവും 50,000 രൂപ പിഴയും ലഭിക്കും.