ഫുട്ബോള്‍ ഇതിഹാസം ഡീഗോ മറഡോണ അന്തരിച്ചു

അന്താരാഷ്ട്രഫുട്ബോളില്‍ അര്‍ജന്റീനക്ക് വേണ്ടി 91 കളികള്‍ കളിച്ച മറഡോണ 34 ഗോളുകള്‍ നേടിയിട്ടുണ്ട്.

1982 മുതല്‍ 1994 വരെയുള്ള നാല് ലോകകപ്പുകളില്‍ അര്‍ജന്റീനക്കു വേണ്ടി മറഡോണ കളിച്ചിട്ടുണ്ട്. അതില്‍ 1986-ലെ ലോകകപ്പാണ് ഏറ്റവും അവിസ്മരണീയമാക്കിയത്. 

മറഡോണയുടെ നായകത്വത്തില്‍ കളിച്ച അര്‍ജന്റീന ടീം ഫൈനലില്‍ പശ്ചിമജര്‍മ്മനിയെ പരാജയപ്പെടുത്തി ഈ ലോകകപ്പ് നേടുകയും മികച്ച കളിക്കാരനുള്ള ഗോള്‍ഡന്‍ ബോള്‍ മറഡോണ സ്വന്തമാക്കുകയും ചെയ്തു. 

ഈ ടൂര്‍ണമെന്റിലെ ക്വാര്‍ട്ടര്‍ ഫൈനലില്‍ ഇംഗ്ലണ്ടിനെതിരെയുള്ള കളിയില്‍ മറഡോണ നേടിയ രണ്ടു ഗോളുകള്‍ ചരിത്രത്തിലിടംപിടിച്ചു. റഫറിയുടെ ശ്രദ്ധയില്‍പ്പെടാതെ കൈ കൊണ്ട് തട്ടിയിട്ട് നേടിയ ആദ്യത്തെ ഗോള്‍ ദൈവത്തിന്റെ കൈ എന്ന പേരിലും, ആറ് ഇംഗ്ലണ്ട് കളിക്കാരെ വെട്ടിച്ച്‌ 60 മീറ്റര്‍ ഓടി നേടിയ രണ്ടാം ഗോള്‍ നൂറ്റാണ്ടിന്റെ ഗോള്‍ ആയും വിശേഷിപ്പിക്കപ്പെടുന്നു.

ബ്ര​സീ​ലി​യ​ന്‍ ഇ​തി​ഹാ​സ​താ​രം പെ​ലേ​യോ​ട് ഏ​റ്റ​വുമെറെ  താ​ര​ത​മ്യം ചെ​യ്യ​പ്പെ​ട്ട  മ​റ​ഡോ​ണ അ​സാ​മാ​ന്യ ക​ഴി​വു​ക​ളു​ടെ ക​ല​വ​റ​യാ​യി​രു​ന്നു.

 1960 ഒ​ക്ടോ​ബ​ര്‍ 30ന് ​അ​ര്‍​ജ​ന്‍റീ​ന​യി​ലെ വി​യ്യ ഫി​യോ​റി​റ്റ​യി​ലായിരുന്നു  ഈ ഇതിഹാസ താരത്തിന്റെ  ജനനം . 

മറഡോണയുടെ  ഫി​ഫ ലോ​ക​ക​പ്പ് ക​രി​യ​ര്‍ 12 വ​ര്‍​ഷം നീ​ണ്ടു. ചടുല  നീ​ക്ക​ങ്ങ​ള്‍ക്കൊപ്പം  മ​റ​ഡോ​ണ​യു​ടെ സാ​ന്നി​ധ്യം പോ​ലും ടീ​മി​ന് ന​ല്‍​കി​യ ഊ ​ര്‍​ജം ഏറെയാ യി​രു​ന്നു. 1986ല്‍ ​ടീ​മി​നെ ഏ​റെ​ക്കു​റെ ഒ​റ്റ​യ്ക്കു കി​രീ​ട​ത്തി​ലേ​ക്കു കൈ​പി​ടി​ക്കാ​ന്‍ അ​ദ്ദേ​ഹ​ത്തി​നു സാ​ധി​ച്ചു.