Image

തന്റെ പേരില്‍ തട്ടിപ്പിന് ശ്രമമെന്ന് സംവിധായകന്‍ അല്‍ഫോന്‍സ് പുത്രന്റെ പരാതി

Published on 22 November, 2020
തന്റെ പേരില്‍ തട്ടിപ്പിന് ശ്രമമെന്ന് സംവിധായകന്‍ അല്‍ഫോന്‍സ് പുത്രന്റെ പരാതി


സംവിധായകന്‍ അല്‍ഫോന്‍സ് പുത്രന്റെ പേരില്‍ തട്ടിപ്പിന് ശ്രമം. സംവിധായകന്റെ പേരില്‍ നടിമാരെ ഫോണ്‍ വിളിച്ചാണ് തട്ടിപ്പ് നടത്തിയത്. ഈ വിവരം സംവിധായകന്‍ തന്നെയാണ് തന്റെ ഫേസ്ബുക്കിലൂടെ അറിയിച്ചത്. രണ്ട് ഫോണ്‍ നമ്പറുകളില്‍ നിന്നുമാണ് താന്‍ അള്‍ഫോന്‍സ് പുത്രനാണെന്ന് പരിചയപ്പെടുത്തിയത്. മറ്റ് സ്ത്രീകള്‍ക്കും ഈ കോളുകള്‍ ലഭിക്കുന്നുണ്ടെന്നും എന്നാല്‍ അത് താന്‍ അല്ലെന്നും അല്‍ഫോന്‍സ് പുത്രന്‍ പറയുന്നു. തന്റെ പേരില്‍ വ്യാജ കോളുകള്‍ നടത്തുന്ന രണ്ട് ഫോണ്‍ നമ്പരുകളും അല്‍ഫോണ്‍സ് തന്റെ ഫേസ്ബുക്ക് പോസ്റ്റിനൊപ്പം ഉള്‍പ്പെടുത്തിയിട്ടുണ്ട്.

ഈ നമ്പറുകളിലേക്ക് താന്‍ വിളിച്ചപ്പോഴും ഫോണ്‍ എടുത്തയാള്‍ താന്‍ അല്‍ഫോന്‍സ് പുത്രന്‍ ആണെന്നാണ് പറഞ്ഞത്. ഇക്കാര്യം വ്യക്തമാക്കി അല്‍ഫോന്‍സ് പുത്രന്‍ പോലീസില്‍ പരാതി നല്‍കി. ഇത്തരത്തിലുള്ള കോള്‍ ലഭിച്ചാല്‍ വ്യക്തിപരമായ യാതൊരു വിവരങ്ങളോ ഫോട്ടോയോ വീഡിയോയോ ആ വ്യക്തിക്ക് നല്‍കരുത് അതൊരു തട്ടിപ്പാണെന്ന് മനസിലാക്കണമെന്നും അല്‍ഫോണ്‍സ് തന്റെ പോസ്റ്റില്‍ പറഞ്ഞു.



Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക