ന്യൂയോര്ക്ക്: ലോകത്ത് ഏറ്റവും സമ്പന്നരാജ്യമായി അമേരിക്ക ആയതിന്റെ പിന്നില് കരുതലിന്റെ സ്പര്ശം ആയിരുന്നു. അമേരിക്കയിലെ വിധവകളായ പ്രത്യേകിച്ച് യുദ്ധത്തില് വിധവകളായ സ്ത്രീകളും മിഷണറിമാരും ദൈവസ്നേഹത്തിന്റെ കരുതല് ഭൂമിയില് ഉടനീളം ചൊരിയപ്പെട്ടതിന്റെ തെളിവാണ് ലോക ക്രൈസ്തവ മിഷണറി ചരിത്രം. അതിന്റെ ഉറവിടം നൂറിലധികം വര്ഷങ്ങള്കൊണ്ട് പാലും തേനും ഒഴുകുന്ന അമേരിക്ക എന്ന രാജ്യമാണ്.
ചില വര്ഷങ്ങള്ക്ക് മുമ്പ് സാമ്പത്തിക പ്രതിസന്ധി നേരിട്ടപ്പോള് അമേരിക്കയുടെ കിതപ്പ് ലോകരാജ്യങ്ങളെ ബാധിച്ചിരുന്നു. ആ കിതപ്പിനെ ചൂഷണം ചെയ്ത വിഷയ ആശയങ്ങളും കുറവല്ലായിരുന്നു. ഡോളറിന്റെ മൂല്യം ഇടിഞ്ഞപ്പോള് രൂപയുടെ മൂല്യം എന്താണെന്ന് മനസിലാക്കിയവരാണ് ഭാരതീയര്. എന്തുകൊണ്ടാണ് അമേരിക്കന് ആത്മീയ നേതാക്കള് ട്രംപിനെ അനുകൂലിക്കുന്നത്. വീടില്ലാത്തവര് കൂടുതേടി വന്നപ്പോള് വീടുള്ളവര് പുറത്തുപോകേണ്ടി വന്ന ഗതിയാണ് അമേരിക്കയ്ക്ക് ഇപ്പോള് വന്നിരിക്കുന്നത്. അമേരിക്കന് വേള്ഡ് ട്രേഡ് സെന്റര് ആക്രമണം കൂടുതേടി എത്തിയവരുടെ സംഭാവനയായിരുന്നു. ആഹാരത്തിനും വസ്ത്രത്തിനും ബുദ്ധിമുട്ടുന്നവര്ക്ക് അധ്വാനിക്കുന്ന നല്ലൊരു ശതമാനം അവര്ക്ക് പകര്ന്നുകൊടുക്കുമ്പോള് ഇരിക്കുന്ന ശിഖിരം മുറിച്ച് സന്തോഷിക്കുന്ന കുടിയേറ്റക്കാരാണ് അമേരിക്കയില് ഇന്ന്. നിയമപരമായി വരുന്ന ആര്ക്കും ഈ രാജ്യം വാതില് അടയ്ക്കുന്നില്ല. കഴിഞ്ഞ നാലുവര്ഷത്തെ ട്രംപ് ഭരണകൂടം എല്ലാത്തലത്തിലും ജനകീയ നടപടികളാണ് സ്വീകരിച്ചിരുന്നത്. അമേരിക്കന് ജനതയ്ക്കുള്ള ചില സ്വാതന്ത്ര്യങ്ങള് എന്നു പറഞ്ഞാല് അമേരിക്കന് വോട്ട് ചെയ്യാന് അധികാരമുള്ള ആര്ക്കും ഏത് വര്ഗ്ഗമായാലും അത് ആ രാജ്യത്തിന്റെ സ്വന്തമാണ്.
ഇവിടെയാണ് ആശയത്തിന്റെ പേരില് കടക്കത്തി വയ്ക്കുന്ന നിഷ്ഠൂരഭാവങ്ങളുടെ പ്രഭാവം. അതുകൊണ്ടാണ് ഏഷ്യന് സമൂഹം തങ്ങളുടെ ജീവിതത്തില് ലഭിച്ച സൗഭാഗ്യങ്ങള്ക്ക് ഈ രാജ്യത്തിന്റെ നിര്മ്മല ഉള്ക്കാഴ്ചയ്ക്ക് കൂട്ടുനില്ക്കുന്നത്.
ട്രംപോ, ബൈഡനോ നമ്മുടെ പുതിയ തലമുറയ്ക്ക് തിരസ്കരണമില്ലാതെ സമ്പന്നമായ ഈ രാജ്യത്ത് നിറഭേദമില്ലാതെ വെന്നിക്കൊടി പാറിക്കാന് കഴിയട്ടെ എന്ന് ഞാന് ആശംസിക്കുന്നു. ലോകത്തിന്റെ ഗതിതന്നെ കോവിഡ് എന്ന മഹാമാരി ചുഴറ്റി ഉഴലുമ്പോള് ശാസ്ത്രത്തിന്റെ എല്ലാ മിടുക്കുകളും പരാജയപ്പെട്ട സ്ഥാനത്ത് പുത്തന് ഉണര്വിനായി ഫീനിക്സ് പക്ഷിയെപ്പോലെ വിഹായസിന്റെ വാതില് നോക്കി കാത്തിരിക്കുന്നതാണ് നാം കണ്ടത്. സമ്പന്നതയുടെ മൃദുല ശരീരത്തേയും കീടമായി ചുഴറ്റി എറിഞ്ഞ ഭീകര കുഴികളെ കണ്ട ലോകം ബന്ധമില്ല സ്വന്തമില്ല പണമില്ല പരിഭവമില്ല എന്ന് നാം കണ്ടു. അതായിരുന്നു കോവിഡ്. ആര് ഭരിച്ചാലും നമ്മുടെ തലമുറ ആരും ഇല്ലാതെ അണയരുതേ എന്ന സ്വപ്നമാണ് നമുക്ക് വേണ്ടത്.
- ഡോ. ലൂക്കോസ് മന്നിയോട്ട് (രാഷ്ട്രീയ നിരീക്ഷകന്, പത്രാധിപര്, മനശാസ്ത്രജ്ഞന്)