ചെറുപുഷ്പഗിരി എന്ന ചെറിയ സ്ഥാപനത്തിൽ നിന്ന് പുഷ്പഗിരി എന്ന വലിയ ആതുര സേവന കേന്ദത്തിന്റെ വളർച്ചയിലേക്ക്  കാലം ചെയ്ത മാർ തീയോ ഫിലിസ് തിരുമേനി അടക്കമുള്ള സീറോ മലങ്കര കാതോലിക്കാ സഭയിലെ സന്യാസ ശ്രേഷ്ഠന്മാരുടെ  പ്രവർത്തനവും പ്രാർത്ഥനയും ഉണ്ടായിരുന്നു എന്ന്  മലങ്കര കാതോലിക്കാ തിരുവല്ല അതിരൂപതാ ആർച്ച് ബിഷപ്പ് അഭിവന്ദ്യ ഡോ തോമസ് മാർ കൂറിലോസ് തിരുമേനി പറഞ്ഞു.പുഷ്പഗിരി ജീവനക്കാരുടെ സഹകരണ സംഘത്തിന്റെ ഉദ്‌ഘാടന വേളയിൽ അനുഗ്രഹ പ്രഭാഷണം നടത്തുകയായിരുന്നു അദ്ദേഹം.

സേവനത്തിലൂടെയും, ഉയർത്തി പിടിക്കുന്ന മൂല്യങ്ങളിലൂടെയുമാണ് പുഷ്പഗിരി ആശുപത്രിയും അനുബന്ധ സ്ഥാപനങ്ങളും സാധാരണക്കാർക്ക് പ്രിയങ്കരമായത് എന്നും അദ്ദേഹം കൂട്ടിച്ചേർത്തു. തിരുവല്ല മുൻസിപ്പൽ ചെയർമാൻ ശ്രീ.ആർ.ജയകുമാർ ആദ്യ നിക്ഷേപം സ്വീകരിച്ചു. ആദ്യ അംഗത്വ സ്വീകരണം പത്തനംതിട്ട കോഓപ്പറേറ്റീവ് സൊസൈറ്റി ജോയിന്റ് റെജിസ്ട്രർ ശ്രീമതി.പ്രമീള എം.ജി.നിർവഹിച്ചു. പുഷ്പഗിരി ഗ്രൂപ്പ് ഓഫ് ഇൻസ്റ്റിട്യൂഷൻസ് സി.ഇ.ഓ റവ.ഫാ.ജോസ് കല്ലുമാലിക്കൽ, എക്സിക്യൂട്ടീവ് ഡയറക്ടർ ശ്രീ.ജേക്കബ് പുന്നൂസ് ഐ.പി.എസ് ,അഡ്വ.ആർ.സനൽകുമാർ, അഡ്വ.പ്രകാശ് ബാബു, ശ്രീമതി.സുജാത എം.പി, ഡെപ്യൂട്ടി മെഡിക്കൽ ഡയറക്ടർ ഡോ.എബ്രഹാം വർഗീസ്, പുഷ്പഗിരി ചീഫ് ഫിനാൻസ് & റിസോഴ്സസ് മാനേജർ ശ്രീ. മുരളീധര കൈമൾ എന്നിവർ പ്രസംഗിച്ചു.