തുടർന്ന് , മറുപടി പ്രാസംഗികൻ യുണൈറ്റഡ് നേഷൻസ് അക്കാഡമിക്ക് ഇംപാക്ട് ഡെപ്യൂട്ടി ഡയറക്ടർ ആന്റ് ചീഫ് രാമു ദാമോദരൻ സ്കോളർഷിപ്പ് വിതരണോദ്ഘാടനം നിർവഹിച്ചു. സാമ്പത്തികമായി പിന്നോക്കം നിൽക്കുന്ന സമർത്ഥരായ വിദ്യാർത്ഥികളുടെ പഠനം മുന്നോട്ട് കൊണ്ടുപോകുന്നതിന് പൂർവ്വ വിദ്യാർത്ഥികൾ ഏർപ്പെടുത്തിയ സ്കോളർഷിപ്പ് പഠനത്തിനു സഹായകരമാകുക മാത്രമല്ല അവരുടെ ഭാവി രൂപപ്പെടുത്തുന്നതിലും മറ്റുള്ളവർക്ക് സഹായമേക്കുന്നതിലും പ്രേരണയാകുമെന്നും രാമു ദാമോദരൻ അഭിപ്രായപ്പെട്ടു. 

ഇന്ത്യയുടെ മുൻ രാഷ്ട്രപതി കെ.ആർ.നാരായണന്റെ ജീവിതത്തെ മാതൃകയായി ചൂണ്ടിക്കാട്ടുന്നതിനും ദാമോദരൻ സമയം കണ്ടെത്തി.

ഗസ്റ്റ് ഓഫ് ഓണർ പ്രൊഫ. ജോർജ്ജ് കോശി (മുൻ - വൈസ് പ്രിൻസിപ്പൽ ) ആശംസകൾ നേർന്നു. ഡോ. സാം ഡാനിയേൽ , പ്രൊഫ.കെ.സി.ജോർജ്ജ് , പ്രൊഫ.സി.എ. ഏബ്രഹാം, ലോണ ഏബ്രഹാം എന്നിവർ പ്രസംഗിച്ചു.

അലൂമ്നി അസോസിയേഷൻ സെക്രട്ടറി (യു.എസ് ചാപ്റ്റർ) കോശി ജോർജ്ജ് സ്പോൺസർമാരെ പരിചയപ്പെടുത്തി. 25 വിദ്യാർത്ഥികൾക്കാണ് ആദ്യഘട്ടത്തിൽ സ്കോളർഷിപ്പുകൾ നൽകുന്നതെന്ന് കോശി ജോർജ്ജ് പറഞ്ഞു ഡോ. ടി.വി. ജോൺ നന്ദി പ്രകാശിപ്പിച്ചു. റവ. സാജൻ ജേക്കബ് ഫിലിപ്പ് സമാപന പ്രാർത്ഥന നടത്തി.