ദുബായ്: ദുബായില് വീണ്ടും മലയാളിക്ക് സൗഭാഗ്യം. ദുബായ് ഡ്യൂട്ടി ഫ്രീ മില്യനിയം മില്യനയര് നറുക്കെടുപ്പില് ഏഴ് കോടിയിലേറെ രൂപ (10 ലക്ഷം ഡോളര്) സമ്മാനം മലയാളിയായ അനുപ് പിള്ളയ്ക്ക്. ഇന്നു നടന്ന 341 സീരീസ് നറുക്കെടുപ്പിലൂടെയാണ് അനൂപ് പിള്ള കോടീശ്വരനായത്. 4512 ആണ് വിജയനമ്പര്.
ദുബായിലെ സ്വകാര്യ കന്പനിയില് മാനേജരാണ് അനൂപ്. കഴിഞ്ഞ 10 വര്ഷമായി നറുക്കെടുപ്പില് പങ്കെടുക്കുന്നയാളാണ്. ഭാര്യയും രണ്ടു മക്കളോടുമൊപ്പം ദുബായിലാണ് താമസം.
ദുബായ് ഡ്യൂട്ടി ഫ്രീ ആരംഭിച്ച 1999നുശേഷം വിജയിയാകുന്ന 169-ാമത്തെ ഇന്ത്യക്കാരനാണ് അനൂപ്.