കൊവിഡ് വ്യാപനത്തിന്റെ പശ്ചാത്തലത്തില്‍ സര്‍ക്കാര്‍ ജീവനക്കാരില്‍ നിന്നും പിടിച്ച തുക അടുത്തമാസം മുതല്‍ തിരിച്ചുനല്‍കും. സാലറി ചാലഞ്ച് തുടരേണ്ടതില്ലെന്നും ഇന്ന് ചേര്‍ന്ന മന്ത്രിസഭായോഗത്തില്‍ തീരുമാനമായി.

ജിഎസ്‌ട്‌ഇ നഷ്ടപരിഹാരവും കുടിശ്ശികയും കിട്ടുമെന്ന കേന്ദ്രത്തിന്റെ ഉറപ്പില്‍ സാലറി ചാലഞ്ച് ഒഴിവാക്കാന്‍ നേരത്തെ തന്നെ തീരുമാനമായിരുന്നു. ഈ ഇനത്തില്‍ 7000 കോടി കേന്ദ്രത്തില്‍ നിന്നും കിട്ടുമെന്നാണ് പ്രതീക്ഷിക്കുന്നത്. സര്‍ക്കാരിന്റെ സാമ്ബത്തിക പ്രശ്‌നത്തിന് ഇത് താത്‌കാലികമായി പരിഹാരമാകും.

വീണ്ടും ശമ്ബളം പിടിക്കാനുള്ള സര്‍ക്കാരിന്റെ തീരുമാനം പ്രതിപക്ഷത്തെയും ഭരണപക്ഷത്തെയും സംഘടനകളുടെ പ്രതിഷേധത്തിന് കാരണമായിരുന്നു. ഈ പശ്ചാത്തലത്തില്‍ തീരുമാനം നീളുകയായിരുന്നു.