വാഷിംഗ്ടണ്‍:  തെരഞ്ഞെടുപ്പിന്  ദിവസങ്ങള്‍ മാത്രം ശേഷിക്കെ വമ്ബന്‍ പ്രഖ്യാപനങ്ങളുമായി ജോ ബൈഡന്‍. ഒരു കോടി അനധികൃത കുടിയേറ്റക്കാര്‍ക്ക് പൗരത്വം നല്‍കുമെന്നാണ് ബൈഡന്‍ പ്രഖ്യാപിച്ചിരിക്കുന്നത്. കുടിയേറ്റം യുഎസ് തെരഞ്ഞെടുപ്പില്‍ വലിയ ഫാക്ടറായി മാറുമെന്നാണ് സൂചന. 

ഇന്ത്യക്കാര്‍ അടക്കമുള്ളവര്‍ക്ക് ഇത് ഗുണം ചെയ്യും. 1.1 കോടി ആളുകള്‍ക്ക് പൗരത്വം നല്‍കുമെന്നാണ് ബൈഡന്റെ പ്രഖ്യാപനം.    

കോവിഡിനെതിരെയുള്ള പോരാട്ടമാണ് തന്റെ പ്രധാന മുന്‍ഗണനകളില്‍ ഒന്ന്. പക്ഷേ മറ്റ് ചില കാര്യങ്ങള്‍ കൂടിയുണ്ട്. ഒന്ന് നമ്മുടെ സമ്ബദ് ഘടനയെ ശക്തിപ്പെടുത്തലാണ്. അമേരിക്കയുടെ നേതൃത്വം ലോകമെമ്ബാടും പുനസ്ഥാപിക്കലാണ് മറ്റൊരു ലക്ഷ്യമെന്നും ബൈഡന്‍ പറഞ്ഞു. 

അതിര്‍ത്തിയില്‍ നടക്കുന്ന കാര്യങ്ങളില്‍ ഒരു തീര്‍പ്പുണ്ടാവേണ്ടതുണ്ട്. വലിയൊരു കുടിയേറ്റ പ്രതിസന്ധി നമുക്ക് മുന്നിലുണ്ട്. അതിനെ എങ്ങനെ പരിഹരിക്കാന്‍ സാധിക്കുമെന്നാണ് ആദ്യം നോക്കേണ്ടത്. സെനറ്റിനും ഹൗസിനും ഞാന്‍ ഒരു കുടിയേറ്റ ബില്‍ ആദ്യ സമര്‍പ്പിക്കും. അത് ഒരു കോടിയില്‍ അധികം പേര്‍ക്ക് അമേരിക്കയിലേക്ക് കുടിയേറാനുള്ള അനുമതി നല്‍കുമെന്നും ബൈഡന്‍ പറഞ്ഞു. 

ജനുവരി 21നും ഇപ്പോഴത്തെ സമയത്തിനും ഇടയ്ക്ക് പല കാര്യങ്ങളും തെറ്റായി നടന്നേക്കാം. ഞാന്‍ തമാശ പറയുകയല്ല, ഇപ്പോഴത്തെ സ്ഥിതിയില്‍ മുന്നോട്ട് പോയാല്‍ ഇപ്പോഴുള്ള തരത്തിലുള്ള രാജ്യം നാല് വര്‍ഷം കഴിഞ്ഞാല്‍ നമുക്കുണ്ടാവില്ലെന്ന് ബൈഡന്‍ പറഞ്ഞു. 

അമേരിക്കന്‍ ജനത എന്നെ തെരഞ്ഞെടുത്താല്‍, എനിക്ക് മുന്നില്‍ വലിയൊരു കടമ്ബയാണ് ഉള്ളത്, അത്രയേറെ വലിയ പ്രശ്‌നങ്ങളാണ് ട്രംപ് ഉണ്ടാക്കിവെച്ചിരിക്കുന്നത്. അത് നേരെയാക്കുക വളരെ കഠിനമാണെന്നും ബൈഡന്‍ പറഞ്ഞു.