പെന്സില്വാനിയിലെ ജോണ്സ് ടൗണില് ഒരു വലിയ റാലിയെ അഭിസംബോധന ചെയ്തു റിപ്പബ്ലിക്കന് പാര്ട്ടിയുടെ പ്രസിഡന്റ് സ്ഥാനാര്ഥി പ്രസിഡന്റ് ഡോണള്ഡ് ട്രംപ് പറഞ്ഞു: 'എക്കാലത്തെയും ഏറ്റവും മോശം സ്ഥാനാര്ത്ഥിയാണ് (മുന് വൈസ് പ്രസിഡന്റ്) ബൈഡന്. അങ്ങനെ ഒരാളിനോട് തോല്ക്കുന്നത് നിങ്ങള്ക്ക് സങ്കല്പ്പിക്കാവാന് കഴിയുമോ ? അത് തികച്ചും അവിശ്വസനീയമായിരിക്കും'. അവിശ്വസനീയമാത് സംഭവിച്ചേക്കാമെന്ന് സര്വേകള് പറയുന്നു.
ട്രംപ് പെന്സില്വേനിയയില് റാലി നടത്തുവാന് കാരണമുണ്ട്. ഇലക്ടറല് കോളേജ് വോട്ടുകളാല് സമ്പന്നമാണ് സംസ്ഥാനം. കൊറോണ വൈറസ് പിടിപെട്ടതിനുശേഷം നടത്തുന്ന രണ്ടാമത്തെ റാലിയില് ട്രംപ് ആയിരങ്ങളെ അഭിസംബോധന ചെയ്തു സംസാരിച്ചു. ഒരു മണിക്കൂര് നീണ്ട പ്രസംഗം കേട്ടു നിന്നവരില് പലരും മാസ്ക് ധരിച്ചിരുന്നില്ല. താനുമായി ബന്ധപ്പെടുന്നവര്ക്ക് രോഗം പകരില്ല എന്ന് അവകാശപ്പെട്ട് ധൈര്യപ്പെടുന്നവരെ ചുംബിക്കുവാന് തയാറാണെന്ന് ട്രംപ് അറിയിച്ചു.
പ്രാദേശിക വികാരം മുതലെടുക്കുവാന് ട്രംപ് ശ്രമിച്ചു. ഊര്ജ്ജസ്രോതകള് അമിതമായി ആശ്രയിക്കുന്ന പ്രദേശങ്ങളില് ഖനനം നടത്തുമെന്ന് ട്രംപ് പ്രഖ്യാപിച്ചു. പുതിയ ഖനനാനുമതി നിഷേധിക്കുമെന്ന ബൈഡന്റെ പ്രഖ്യാപനത്തിന് വിരുദ്ധമാണ് ട്രംപിന്റെ നിലപാട്. ഉള്നാടന് പ്രദേശങ്ങളിലെ, പ്രത്യേകിച്ച് സ്ത്രീ വോട്ടര്മാരെ തനിക്ക് അനുകൂലമാക്കാന് ട്രംപ് ശ്രമിച്ചു. ഒരു ദിവസം മുന്പ് ട്രംപ് ഫ്ലോറിഡയില് പ്രചരണം നടത്തി.
മറുവശത്ത് ബൈഡനും ഇലക്ടൊറല് വോട്ടുകള് ധാരാളമുള്ള സംസ്ഥാനങ്ങളില് പ്രചരണം ശക്തമാക്കി. ഫ്ലോറിഡയില് മുതിര്ന്ന വോട്ടര്മാര്ക്കിടയിലായിരുന്നു പ്രചരണം. ഫ്ലോറിഡ ട്രംപിന് നിര്ണായകമാണ്. ഫ്ലോറിഡ പിടിക്കുകയാണ് ഡെമോക്രാറ്റുകളുടെ ലക്ഷ്യം. ട്രംപിന് താല്പര്യമുള്ള ഏക മുതിര്ന്ന പൗരന് ട്രംപ് മാത്രമാണ്. വീണ്ടും വീണ്ടും ട്രംപ് മാസ്ക് ധരിക്കാത്തതിനെ വിമര്ശിച്ചതിനുശേഷം ബൈഡന് രണ്ട് മാസ്കുകള് ധരിച്ചു. ഒരു എന് 95ന് മുകളില് ഒരു ബ്ലൂ സര്ജിക്കല് മാസ്കും ബൈഡന് ധരിച്ചു. അങ്ങനെയാണ് ഫ്ലോറിഡയില് പ്ലെയിനില് നിന്നിറങ്ങിയത്. അതിനുശേഷം ഒരു മാസ്ക്ക് ഊരി മാറ്റി. ന്യൂയോര്ക്ക് ബില്യണയറും മുന് മേയറുമായ മൈക്ക് ബ്ലൂംബെര്ഗ് മയാമി ഡേഡ് കൗണ്ടിയിലെ ബൈഡന്റെ പ്രചരണം ഊര്ജ്ജിതപ്പെടുത്തുന്നതിന് 5 ലക്ഷം ഡോളര് നല്കി.
കേംബ്രിയ കൗണ്ടിയിലെ ജോണ്സ് ടൗണ് എയര്പോര്ട്ടിനടുത്തായിരുന്നു ട്രംപിന്റെ പ്രചരണം. പരമ്പരാഗതമായി ഒരു കല്ക്കരി മേഖലയാണ്. 2008 ല് പ്രസിഡന്റ് ബരാക്ക് ഒബാമയ്ക്കു നേരിയ ഭൂരിപക്ഷം നല്കിയിരുന്നു. 2017 ല് 37 പെര്സെന്റേജ് പോയിന്റിന് ട്രംപിനെ വിജയിപ്പിച്ചു.
ബൈഡന് ജനിച്ചത് ജോണണ്സ് ടൗണിന് 220 മൈല് അകലെയുള്ള സ്ക്രാന്റണിലാണ്. കഴിഞ്ഞ മാസം ബൈഡന് ജോണ്സ് ടൗണില് പ്രചരണം നടത്തി. ബൈഡന്റെ പ്രചരണ സംഘം ഫ്ലോറിഡയുടെ 29 ഇലക്ടറല് വോട്ടുകള് നേടിയില്ലെങ്കിലും പ്രസിഡന്റ് തിരഞ്ഞെടുപ്പില് വിജയിക്കാന് കഴിയുമെന്ന് കരുതുന്നു. പെന്സില്വേനിയ നേടുമെന്ന് ഉറപ്പിച്ച് പറയുന്നു. ഈ സംസ്ഥാനം നഷ്ടപ്പെട്ടാല് ബൈഡന്റെ ഭൂരിപക്ഷം ഗണ്യമായി കുറയും.
2016 ല് ട്രംപ് മിഷിഗണ്, പെന്സില്വേനിയ, വിസ്കോണ്സില് സംസ്ഥാനങ്ങള് കഷ്ടിച്ചാണ് നേടിയത്. ഇവയില് ഒരെണ്ണമെങ്കിലും ജയിച്ചില്ലെങ്കില് രണ്ടാമൂഴം അസാധ്യമായിരിക്കും. മിഷിഗണ് ട്രംപിന് ലഭിക്കുകയില്ലെന്ന് നിരീക്ഷകര് പറയുന്നു. വിസ്കോണ്സില് നേടുകയും പ്രയാസമായിരിക്കും. ഇവിടെ ജയിച്ചാലും ബൈഡന് ഫ്ലോറിഡയോ സാധാരണ ചുവപ്പായ അരിസോണയോ നേടിയാല് ഇലക്ടറല് കോളേജില് ട്രംപ് ഗണ്യമായ നേട്ടം കൈവരിക്കണം.
ഈ ലക്ഷ്യം മുന്നില് കണ്ടാണ് ട്രംപ് ഈയാഴ്ച നടത്തുന്ന യാത്രകള്. പെന്സില്വേനിയ, ഫ്ലോറിഡ, മറ്റൊരു പ്രധാന സമരമുഖം നോര്ത്ത് കരോലില, പിന്നെ തനിക്കൊപ്പമാണെന്ന് ട്രംപ് കരുതിയിരുന്ന അയോവയിലും ജോര്ജിയയിലും ബൈഡന് ചില മുന്നേറ്റങ്ങള് നടത്തുന്നു. ഈ സംസ്ഥാനങ്ങളിലൊക്കെ പ്രചരണം ഊര്ജ്ജിതമാക്കാനാണ് ട്രംപിന്റെ ശ്രമം.
20 ഇലക്ടൊറല് വോട്ടുകള് ഉള്ള പെന്സില്വേനിയയില് ഫിലാഡല്ഫിയയും പിറ്റ്സ്ബര്ഗും ഒഴികെ ബാക്കി മിക്കവാറും ഗ്രാമ പ്രദേശമോ, ചെറിയ നഗരങ്ങളോ, പട്ടണങ്ങളോ ആണ്. ഇവിടെയൊക്കെ നാല് വര്ഷം മുന്പ് ട്രംപ് പടയോട്ടം നടത്തിയിരുന്നു. വീണ്ടും വര്ധിത വീര്യത്തോടെ പ്രചരണം നടത്തിയേ മതിയാകൂ. എന്നാല് പൊതുതിരഞ്ഞെടുപ്പിന് 18 ദിവസങ്ങള് മാത്രം ശേഷിക്കെ, ഏര്ളി വോട്ടിംഗും, മെയില് ഇന്നും പുരോഗമിക്കുമ്പോള് ഇത് എത്രമാത്രം ഫലവത്തായിരിക്കും എന്ന് പറയാനാവില്ല. ഫിലഡല്ഫിയയുടെ ഉപനഗരങ്ങളില് 2016 ലെ ട്രംപിന്റെ പ്രചരണം കാര്യക്ഷമമായിരുന്നില്ല എന്ന് പരാതി ഉണ്ടായിരുന്നു.