അത്യാവശ്യ സർവീസിലുള്ള സാമാന്യം ആരോഗ്യമുള്ള 25 വയസുകാരിൽ കഴിഞ്ഞ മാർച്ച് മാസമാണ് കോവി ഡ് 19 ലക്ഷണങ്ങൾ കണ്ടു തുടങ്ങിയത്. ചുമയും തൊണ്ടവേദനയും തലവേദനയും തലചുറ്റലും വയറിളക്കവുമാണ് ഈ രോഗിയിൽ കണ്ടെത്തിയതെന്ന് വാഷു കൗണ്ടി ഹെൽത്ത് ഡിസ്ട്രിക്റ്റ് സീനിയർ എപ്പിഡി മോളജിസ്റ്റ് ഹെതർ കെർവിൻ പറഞ്ഞു.

മാസ്ക് ധരിക്കണമെന്ന് നിർബന്ധമില്ലാതിരുന്ന സമയമായിരുന്നു അത്. ഏപ്രിൽ 18-ന് ഇയാളെ ആശുപത്രിയിൽ പ്രവേശിപ്പിച്ചു. എല്ലാ രോഗലക്ഷണങ്ങളും മാറിയതിനെ തുടർന്ന് ഏപ്രിൽ 27-ന് ആശുപത്രിയിൽ നിന്നും ഡിസ്ചാർജ് ചെയ്തു.

മെയ് 31 ന് വീണ്ടും അസ്വസ്ഥത ഉണ്ടായതിനെത്തൂടർന്ന് ജൂൺ 5 - ന് ഇയാൾ ഡോക്ടറുടെ വിദഗ്ധാഭിപ്രായം തേടി. അതോടൊപ്പം രക്തത്തിലെ ഓക്സിജന്റെ അളവിൽ കുറവും അനുഭവപ്പെട്ടു. തുടർന്നു നടന്ന പരിശോധനയിൽ വൈറസ് പോസിറ്റീവ് ആണെന്ന് സ്ഥിരീകരിച്ചു ജൂൺ 5 ന് തന്നെ ഇയാളുടെ കൂടെ താമസിച്ചിരുന്ന മാതാപിതാക്കളിൽ ഒരാൾക്കും രോഗം സ്ഥിരീകരിച്ചിരുന്നു.

[3:29 PM, 10/14/2020] ancy sajan: താരതമ്യേന ശക്തിയുള്ള വൈറസുകളായിരിക്കാം രണ്ടാമതും ഇയാളിൽ പ്രവേശിച്ചതെന്ന് ഡോക്ടർമാർ പറയുന്നു . ഇപ്പോൾ രോഗത്തിൽ നിന്നും വിമോചനം ലഭിച്ചുവെങ്കിലും ഒരു വലിയ ചോദ്യമാണ് ഇതുയർത്തിയിരിക്കുന്നത്.

ഒരിക്കൽ വൈറസ് ശരീരത്തിൽ പ്രത്യക്ഷപ്പെട്ട് സുഖമായതിനു ശേഷം വീണ്ടും എത്ര കാലം ഈ രോഗി സുരക്ഷിതമായിരിക്കുമെന്നാണ്. ഇതിന് ഉത്തരം കണ്ടെത്താനുള്ള ശ്രമത്തിലാണ് ശാസ്ത്ര ലോകം.