വിരോധം, വിദ്വേഷം, വൈരം ഒരു വ്യക്തിയെ വളരെ വൃത്തികെട്ടവനാക്കുന്നു. ഇതും ഇത്തിൾകണ്ണിയെപ്പോലെ പിടിച്ചപിടി വിടാതെ, അഭയം കൊടുത്തവനെ തന്നെ, ഇഞ്ചിഞ്ചായി അവസാനിപ്പിക്കുന്ന ഒരു വൈറസാണ്.
സ്വന്തം ചിന്തയിലും തലച്ചോറിലുമാണ്, തൻറെ പോലും അറിവോ സമ്മതമോ ഇല്ലാതെ, ആ ഇത്തിൾകണ്ണി തഴച്ചു വളരുന്നതെന്ന് മനസിലാക്കാത്തിടത്തോളം കാലം, ആ മനുഷ്യൻ അത് ഏത് കൊലകൊമ്പനായാലും അവന്റെ നാശത്തിന്റെ ആരംഭം ഈ ചെറിയ ഇത്തിൾകണ്ണി മൂലമായിരിക്കും.
ഈ വൈറസിന്റെ പ്രധാന ലക്ഷണം, ഞാൻ മാത്രം ശരി, ശരിയായ ഉറക്കമില്ലായ്മ, ഉണ്ണുമ്പോഴും ഉറങ്ങുമ്പോഴും മറ്റുള്ളവരുടെ കുറ്റം എങ്ങനെ കണ്ടുപിടിക്കാം എന്നതിനെപ്പറ്റി ഗഹനമായ ആലോചന ഇതെല്ലാം കൊണ്ടെത്തിക്കുന്നത് അസന്തുഷ്ടവും ആനന്ദരഹിതവുമായ ജീവിതത്തിൽ ആയിരിക്കും.
കോവിഡ് പകർന്നതിന് അമേരിക്കൻ പ്രസിഡൻറ് ട്രംപിനെ പഴിക്കുന്ന മലയാളികൾ മനസ്സിലാക്കേണ്ടത്, ഈ പകർച്ചവ്യാധിയുടെ സമയത്ത് "അമേരിക്കൻ പ്രസിഡൻറ് തൻറെ ബേസ്മെന്റിൽ ഭയന്ന് ഒളിച്ചിരുന്നില്ല"!! അന്തർലീനമായ അപകടസാധ്യതകൾ അദ്ദേഹം മനസിലാക്കിയിട്ടും, മനുഷ്യനാൽ കഴിയുന്നത്ര സംരക്ഷണ വലയത്തിനുള്ളിൽ, പ്രസിഡന്റ് ട്രംപ് അമേരിക്കയ്ക്കും അമേരിക്കൻ ജനതയ്ക്കുമായി തന്റെ പ്രവർത്തനം തുടർന്നു.
ഒരു വശത്ത് പകർച്ചവ്യാധികൾ, സ്വൈര്യ ജീവിതം തകിടം മറിക്കുന്ന മനുഷ്യ കലാപങ്ങൾ, കാലിഫോർണിയയിലെ കാടുകളെ വിഴുങ്ങിയ അഭൂതപൂർവമായ കാട്ടുതീ, ഭീകരമായ ചുഴലികാറ്റുകൾ!! ഒന്നൊന്നായി മുന്നിലേക്ക് വരുന്ന പ്രതിസന്ധി ഘട്ടങ്ങളിൽപ്പോലും ഈ മഹത്തായ രാജ്യത്തിന് ആവശ്യമായ സുരക്ഷ നൽകി, പ്രത്യാശ നൽകി പ്രസിഡന്റ് ട്രംപ്.
പ്രതിരോധിക്കാനാകുമോ..? തീർച്ചയായും; തടയാനാകുമോ 100%..? സംശയമാണ്! എല്ലാ മാർഗ്ഗനിർദ്ദേശങ്ങളും അങ്ങേയറ്റം പാലിക്കുകയും, രോഗ സംക്രമണം 100% തടയാൻ കഴിയുമെന്ന് ഉറച്ചു വിശ്വസിക്കുകയും ചെയ്ത പലരും COVID-19 ബാധകരായി. എയർ ബാഗുകൾ ഉണ്ടായിട്ടും സീറ്റ് ബെൽറ്റ് ധരിച്ചിട്ടും വാഹനാപകടത്തിൽ മരിക്കുന്നവർ ഇല്ലേ, "മരുന്നുകൊണ്ട് മരണത്തെ ദീര്ഘിപ്പിക്കാം, പക്ഷേ മരണം ഒരിക്കൽ ഡോക്ട്ടറെയും പിടികൂടുമല്ലോ"!! ഈ ദുഷ്ട വൈറസ്, ഇന്നല്ലെങ്കിൽ നാളെ പലരിലേക്കും പടരുമായിരിക്കാം, എന്നാൽ പലർക്കും സ്പഷ്ടമായ രോഗലക്ഷണങ്ങൾ പോലുമില്ലാതെ, മിക്കവരും സുരക്ഷിതമായി വേഗത്തിൽ ഇതിനെ അതിജീവിക്കും, പ്രത്യേകിച്ചും അവർ ചെറുപ്പമാണെങ്കിൽ!
ജീവിതം എന്നും ഭീതിയോടെ ജീവിക്കുന്നതിനല്ല, "സൂക്ഷിച്ചാൽ ദുഖിക്കേണ്ട" എന്ന് പറയുമ്പോൾ തന്നെ കൊറോണ വൈറസിനെ ഭയന്ന് ഓടി ഒളിക്കേണ്ടതില്ല, മനുഷ്യൻ ശുഭാപ്തിവിശ്വാസിയും ആരോഗ്യവാനും പകർച്ചവ്യധികളെ ചെറുക്കാൻ പ്രാപ്തനുമാകണം, നിരാശനും ഭയവുമുള്ളവനുമായി അവരെ കാണാൻ ആരും ആഗ്രഹിക്കുന്നില്ല.
അതുകൊണ്ട് നമുക്ക് പ്രതിജ്ഞയെടുക്കാം:
! ശാന്തിയും സമാധാനവും നിറഞ്ഞ ജീവിതത്തോടൊപ്പം, ഊർജ്ജസ്വലമായ ഒരു സമ്പദ്വ്യവസ്ഥക്ക് വേണ്ടി ഞാൻ വോട്ടുചെയ്യുന്നു.
! ആർക്കും അവരുടെ ജീവിത സാഹചര്യങ്ങളെക്കാൾ ഉയർന്നുവന്ന് വിജയിക്കാനുള്ള കഴിവിനായി ഞാൻ വോട്ടുചെയ്യുന്നു.
! രാജ്യത്തിന്റെ അതിർത്തികൾ നിയമപ്രകാരം പ്രവേശിക്കുന്ന എല്ലാവർക്കുമായി തുറന്നിരിക്കാനും, നിയമത്തെ മറികടക്കുന്ന അല്ലെങ്കിൽ അവഗണിക്കുന്ന എല്ലാവർക്കുമായി അടയ്ക്കാനും ഞാൻ വോട്ടുചെയ്യുന്നു.
! അഴിഞ്ഞാടുന്ന അക്രമികളുടെ കൈകളാൽ, ജനാധിപത്യത്തിന്റെ തൂണുകൾ തകർന്ന് നിലംപരിശാകാതെ കാത്ത് സംരക്ഷിക്കാൻ പ്രതിജ്ഞാബദ്ധരായ നേതൃത്വത്തിന് ഞാൻ വോട്ടുചെയ്യുന്നു.
! അമേരിക്കയെന്ന മഹാരാജ്യത്തെ രക്ഷിക്കാൻ കഴിവുള്ള ശക്തവും പ്രാപ്യവുമായ ഒരു മിലിട്ടറിക്ക് വേണ്ടി ഞാൻ വോട്ടുചെയ്യുന്നു.
! ഇഷ്ടമുള്ള മതത്തിൽ വിശ്വസിക്കാനും ആരാധന നടത്താനുമുള്ള അവകാശത്തിനൊപ്പം, ഒരു ദൈവത്തിലും വിശ്വസിക്കാതിരിക്കാനുള്ള സ്വാതന്ത്ര്യത്തിനുമായി ഞാൻ വോട്ട് ചെയ്യുന്നു.
! എന്റെ കുട്ടികൾക്കും പേരക്കുട്ടികൾക്കും അവരുടെ മക്കൾ എങ്ങനെ, എവിടെയാണ് വിദ്യാഭ്യാസം നേടേണ്ടത് എന്നതുൾപ്പെടെ ജീവിതത്തിൽ സ്വന്തം പാത തിരഞ്ഞെടുക്കാൻ കഴിയുവാൻ ഞാൻ വോട്ടുചെയ്യുന്നു.
! ഭരണഘടന മാറ്റിയെഴുതുന്നതിനേക്കാൾ, അതിനെ കൃത്യമായി വ്യാഖ്യാനിക്കുന്ന ഒരു സുപ്രീം കോടതിക്ക് വേണ്ടി ഞാൻ വോട്ട് ചെയ്യുന്നു.
! ചരിത്രം അതിന്റെ എല്ലാ വിപ്രതിപത്തിയും അനിഷ്ടങ്ങളും നിലനിർത്തി തന്നെ, അത് മായ്ക്കുകയോ പരിഷ്കരിക്കുകയോ ചെയ്യാതെ, സത്യം സത്യമായി പഠിപ്പിക്കുന്നതിന് വേണ്ടി ഞാൻ വോട്ടുചെയ്യുന്നു.
! വളരെയധികം ജനസംഖ്യയുള്ള കുറച്ച് സംസ്ഥാനങ്ങൾ തിരഞ്ഞെടുപ്പിനെ നിയന്ത്രിക്കാതിരിക്കാൻ ഞാൻ ഇലക്ടറൽ കോളേജിനെ അനുകൂലിക്കുന്നു.
രാജ്യത്തെ ശരിയായ പാതയിലേക്ക് നയിക്കുന്ന, അമേരിക്കൻ പ്രസിഡന്റ് ഡൊണാൾഡ് ജെ. ട്രംപിന് ഞാൻ വോട്ട് ചെയ്യുന്നു