ബെതെസ്ദ, മെരിലാന്‍ഡ്: ആരാധകരെ അമ്പരപ്പിച്ചു കൊണ്ട് പ്രസിഡന്റ് ട്രമ്പ് ആശുപത്രിയില്‍ നിന്ന് കാറില്‍ ചുറ്റിക്കറങ്ങി. ഇന്ന് (ഞായര്‍) വൈകിട്ട് അഞ്ചു മണിയോടെയാണു പ്രസിഡന്റ് വാള്‍ട്ടര്‍ റീഡ് മിലിട്ടറി ഹോസ്പിറ്റലില്‍ നിന്ന് പുറത്തു വന്നത്. ആശുപത്രി പരിസരത്തൂണ്ടായിരുന്ന അനുചരരെ അദേഹം കൈവീശി കാണിച്ചു. ചെറിയ സ്പീഡില്‍ പോയ ലിമസിനില്‍ മസ്‌ക്ക് ധരിച്ചിരിക്കുന്ന ട്രമ്പിനെ വ്യക്തമായി കാണാമായിരുന്നു.

അതിനു മുന്‍പ് പുറത്തു വിട്ട വീഡിയോ സന്ദേശത്തില്‍ പുറത്തു നില്‍ക്കുന്ന രാജ്യ സ്‌നേഹികളെ ഒന്ന് അമ്പരപ്പിക്കാന്‍ പോകുകയാണെന്നു ട്രമ്പ് പറഞ്ഞു. ഏറെ നേരമയി അവര്‍ ട്രമ്പ് പതാകകളുമായി കാത്തു നില്‍ക്കുന്നു. അവര്‍ രാജ്യത്തെ സ്‌നേഹിക്കുന്നു.

ഈ അഭ്യസപ്രകടനത്തിനു ശേഷം ട്രമ്പ് ആശുപത്രിയിലേക്കു മടങ്ങി. ട്രമ്പിനെ നാളെ (തിങ്കള്‍) ഡിസ്ചാര്‍ജ് ചെയ്‌തേക്കും.