ചരിത്രം രേഖപ്പെടുത്തിയ ഒക്ടോബര്‍ 2 ഗാന്ധി ജയന്തി ദിനത്തിൽ മോഡല്‍ സര്‍വ്വീസ് സൊസൈറ്റി (എം എസ്‌ എസ്‌) സംഘടിപ്പിച്ച രക്തദാന ക്യാമ്പ് ദാതാക്കളുടെ പങ്കാളിത്തം കൊണ്ടും സംഘാടനമികവ് കൊണ്ടും വേറിട്ടൊരനുഭവമായിരിന്നു.

ദുബായ് ലത്തീഫ ആശുപത്രിയിലെ ബ്ലഡ് ഡൊണേഷന്‍ സെന്ററില്‍ പ്രത്യേകം തയ്യാറാക്കിയ ടെന്റില്‍ രാവിലെ 8 മണി മുതല്‍ 3 മണിവരെ 369 പേരാണ് രക്തം നല്‍കിയത്.

കോവിഡ് പാശ്ചാത്തലത്തില്‍ രക്തം ഏറെ ആവശ്യമുള്ള ഈ സമയത്ത് എം എസ്‌ എസ്‌ സംഘടിപ്പിച്ച ഈ രക്തദാന ക്യാമ്പിൽ പ്രയാസങ്ങള്‍ അതിജീവിച്ച് യു.എ.ഇ.യുടെ വിവിധ ഭാഗങ്ങളില്‍ നിന്ന് നിരവധി സന്നദ്ധ പ്രവര്‍ത്തകർ ഈ മഹത് കര്‍മ്മത്തില്‍ പങ്കെടുക്കാന്‍ എത്തി. നാടിനോടും സമൂഹത്തോടുമുള്ള കടമനിര്‍വ്വഹിക്കുവാൻ ലഭിച്ച ഈ അവസരത്തിൽ രക്തം നല്‍കിയും പ്ലേറ്റ്ലെറ്റ്‌ നല്‍കിയും സഹകരിച്ചവരെല്ലാം തന്നെ എം എസ്‌ എസിനോട് വളരെ ചാരിതാർഥ്യത്തോടുകൂടി നന്ദി അറിയിക്കുകയുണ്ടായി.